Samtang sa Zone Lambay, Brgy. Calawisan, Dakbayan sa Lapu-Lapu kagahapon sa kaadlawon, nasikop sa grupo ni Senior Inspector Jaime Tolentino, hepe sa Gun-ob Police Station 3 sila si Jerome Berame, 49; Carlo Martin Lubrain, 29; Ronel Berdin, 25; ug Clifford Henson, 24, nagpuyo sa maong dapit.
Matud ni Tolentino, 19 ka gagmay’ng putos sa gituohang shabu ang nasakmit gikan sa mga suspetsado, laing usa ka gamay’ng pakete sa shabu ang napalit gikan ni Berame nga maoy target sa operasyon. Matud pa nga si Berame nalakip sa top drug personality ubos sa hurisdiksyon sa Station 3.
Didto sa Brgy. Colawin sa lungsod sa Argao nadakpan sa buy-bust operation si Carisma Marquez, 35, samtang nakaikyas si Jojo Celada, taga-Bae, Sibonga nga giingong kauban niini sa maong ilegal nga negosyo.
Matud pa ni Police Officer 2 Glenn Besande, desk officer, ang duha ka suspek kuyog nga nakigsabot sa poseur-buyer apan nakabantay si Celada nga polis ilang kasabot ug dali kining midagan. Si Marquez wa makaporma ug daling nakuptan sa usa ka operatiba nga migukod niya.
Nasundan sa polis si Celada ug nakit-an kini nga may gilabay nga kalibre .38 nga revolver nga gikuha sa polis.
Si Marquez gikapkapan sa usa ka policewoman ug nakuhaan og unom ka pakete nga shabu, ug laing usa nga subject sa buy-bust, P200 nga buy-bust money ug drug paraphernalia. (BANAT NEWS)
Linkback:
https://tubagbohol.mikeligalig.com/index.php?topic=82137.0
