MikeLigalig.com

PATAY ang usa ka lalaki human gipusil sa wala mailhing suspetsado sa merkado sa Bansalan, Davao del Sur pasado alas 1:00 niadtong milabay’ng hapon.
Giila ang biktima nga si Jerry Feron, 37 anyos, minyo ug usa ka collector sa dakong tindahan sa North Cotabato.

Naniudto lamang ang biktima sa palengke apan sa dihang mohawa na kini pasakay na sa iyang motorsiklo, kalit na lamang miabot ang usa ka lalaki nga armado og pusil ug walay duha-duhang gipusil ang biktima sa makadaghang higayon.

Ubay-ubay nga mga samad-pinusilan ang naangkon sa mga biktima sa nagkadaiyang parte sa kalawasan niini hinungdan sa iyang hinanaling kamatayon.
Narekober sa Crime Scene ang tulo ka basyo sa bala sa kalibre .45 pistola nga maoy gigamit sa pagpatay.

Blangko pa ang mga otoridad sa maong kaso tungod nagpabiling anaa sa posisyon niini ang iyang collection. (Angel de Vera) - Brigada News

Hmm, di diay tuilis ang tuyo. Basin gitiklo para di na kapadayon pagpaningil...

mao tingali para dili mapanilngan,  atraso gihapon ang hinungdan

Peligro diay ning trabaho sa collector. Di ba diha man pud toy collector nga gitiklo sa Balingsya...