MikeLigalig.com

by Brigada News

GITUOHANG ‘faulty electrical wiring’ ang hinungdan sa pagkasunog sa usa ka de pasaheroang bus samtang nagdagan didto sa Post 12 Tabon, Brgy. Mangagoy, Bislig City, Surigao del Sur.

Matod sa report sa Bislig City Police, alas 2:25 sa kadlawon, gahapon kalit lang midilaab ang kalayo sa makina sa Bachelor Bus Express Inc. nga nagtangag sa plaka nga KVH 436 ug gimanehoan ni Arvin dela Cerna.

Hinuon walay gikatalang nasamdan atol sa maong insidente gawas lamang sa makina nga naugdaw sa sunog.
Gikan matod pa sa Mangagoy Bus terminal ang bus ug adunay rota paingon sa dakbayan sa Davao.

Gibutyag sa mga otoridad nga gibana-banang dos kilometros pa lamang ang gilay-on gikan sa terminal nag-aso-aso na ang makina sa maong bus.
Gilayong gipapanug ang mga pasahero ug gisulayan pa pagpalong sa drayber ug konduktor ang kalayo apan wa gyud nila matabang. FBD