Author Topic: Bulsa sa shorts gikaon aron siya mo-survive  (Read 676 times)

hubag bohol

  • AMBASSADOR
  • THE SOURCE
  • *****
  • Posts: 89964
  • "Better to remain silent and be thought a fool...
    • View Profile
Bulsa sa shorts gikaon aron siya mo-survive
« on: November 14, 2012, 08:04:54 AM »
Ni Guam P. Logroño
Tuesday, November 13, 2012


BULSA sa shorts maoy nahurot og kaon sa usa ka mananagat aron siya mo-survive samtang naglutaw-lutaw sulod sa duha ka adlaw sa kadagatan sa wa pa na-rescue sa laing mananagat kagahapon sa alas 6:30 sa buntag sa Barangay Daanglungsud, Oslob, Sugbo.

Ang pumpboat sa mananagat nakulob samtang siya nanagat dihang gikuso-kuso sa dagkong bawod dala sa unos niadtong Dominggo sa kaadlawon.

Gihulagway ni Gomerciano Calma, 51, minyo, taga Barangay Talo-ot Argao, nga milagro sa Ginuo ang iyang pag-survive bisan sa kagutom, kauhaw ug katugnaw sa dagat samtang gikuso-kuso siya sa dagkong mga bawod.

Si Calma na-missing niadtong Dominggo sa alas 4;00 sa kadlawon samtang namasol sa kadagatan sa Barangay Taloot human gibanlas sa kusog nga bawod tungod sa low pressure area sa Mindanao.

Si PO2 Alexander Mendaros, sakop sa alert team sa Oslob Police nga nahinabi sa Sun.Star Superba­lita, nagkanayon nga si Calma napalgan sa mananagat nga si Luciano Censoro, 62, taga Barangay Daanlungsud, Oslob.

Samtang didto sa lawod, gipakaon kini niya og linung-ag nga saging una pa gidala sa ilang balay ug gipapahulay dayon gipahibawo ang kapulisan sa Oslob, nga maoy ni-contact sa kapulisan sa Argao ug pamilya.

Si Luciano nibutyag nga iyang nakit-an si Calma nga pwerting luyaha nga nagkawaykaway nga nagpa-utaw-utaw sa dagat nga gihiktan ang lawas sa pisi ngadto sa pumpboat.

Si konsehal Danny Rodriquez, sa Barangay Talo-ot, kinsa suod nga higala ni Calma, uban sa pamilya ug mga higala maoy ning-adto sa Oslob.

Matod ni Rodriguez nga nahinabi sa Sun.Star Superbalita nga nagpasalamat sa Ginuo ang iyang higala sa ikaduhang kinabuhi niini.

Gibutyag niya nga si Calma nisulti kaniya nga 7-8 metros ang gidagkuon sa mga bawod nga mikuso-kuso kaniya niadtong Dominggo sa kadlawon.

Ang iyang mga kauban sa pagpanagat niawhag kaniyang mamauli na lang sila kay lain kaayo ang dagan sa panahon tungod sa kadagko sa mga bawod.

Wa siya mopatuo tungod sa kadaghan sa iyang mga kuha.

Wa magdugay gihapak sa dakong bawod ang iyang pumboat hinungdan nga nakulob.

Linkback: https://tubagbohol.mikeligalig.com/index.php?topic=57705.0
...than to speak out and remove all doubt." - Abraham Lincoln

Book your travel tickets anywhere in the world, go to www.12go.co

unionbank online loan application low interest, credit card, easy and fast approval

hubag bohol

  • AMBASSADOR
  • THE SOURCE
  • *****
  • Posts: 89964
  • "Better to remain silent and be thought a fool...
    • View Profile
Re: Bulsa sa shorts gikaon aron siya mo-survive
« Reply #1 on: November 14, 2012, 08:06:15 AM »
Nanglimbasog siya nga makalingkawas sa kamatayon.

Iyang gikuha ang pisi ug gihikot og maayo sa iyang lawas ingon man sa iyang pumpboat.

Iyang gituyo sa paghikot ang iyang lawas aron kon di siya maka-survive sa trahedya di mabuwag ang iyang lawas sa pumpboat ug makit-a pa siya.

Nagsige siya og hilak ug nanangpit sa mga santos samtang nangayog pasaylo sa Ginuo sa iyang mga kasal-nan.

Nag-ampo siyang di gutumon, apan niabot gyud kaniya ang kagutom ug grabeng katugnaw sa dagat.

“Gigutom na daw siyag maayo. Mao unta toy gi-ampo niya sa Ginuo nga dili lang siya gutomom pero dili naman daw niya madala. Gikaon nya ang walang bulsa sa iyang shorts.

Kanang puti ang kolor. Maoy nahurot,” dugang ni Rodriguez.

Nagpautaw-utaw siya sa kadagatan niatong Lunes sa gabii sa tungod sa lungsod sa Alcoy ug naagian siya og barko apan way nakadungog nga tripolante sa iyang mga siyagit.

Dihang niabot ang pamilya ni Calma, daw salida sa telibisyon ang nahitabo tungod kay pwerting hilak ug naggakos ang iyang higala ug asawa niini.

Linkback: https://tubagbohol.mikeligalig.com/index.php?topic=57705.0
...than to speak out and remove all doubt." - Abraham Lincoln

Book your travel tickets anywhere in the world, go to www.12go.co

hubag bohol

  • AMBASSADOR
  • THE SOURCE
  • *****
  • Posts: 89964
  • "Better to remain silent and be thought a fool...
    • View Profile
Re: Bulsa sa shorts gikaon aron siya mo-survive
« Reply #2 on: November 14, 2012, 08:08:03 AM »
"Bulsa sa shorts gikaon aron siya mo-survive"

Hmm, kon wa pa siya mo-eat sa pocket sa ipok, mo-die jud unta he... ;D

Linkback: https://tubagbohol.mikeligalig.com/index.php?topic=57705.0
...than to speak out and remove all doubt." - Abraham Lincoln

Book your travel tickets anywhere in the world, go to www.12go.co

unionbank online loan application low interest, credit card, easy and fast approval

Votives

  • EXPERT
  • ***
  • Posts: 1291
  • bisan unsaon, votives lang gihapon...
    • View Profile
Re: Bulsa sa shorts gikaon aron siya mo-survive
« Reply #3 on: November 14, 2012, 08:31:34 AM »
naninguha sad intawn para mabuhi..... dili pajud panahon niya...

Linkback: https://tubagbohol.mikeligalig.com/index.php?topic=57705.0
Think wisely before you speak and listen intently to the people with fruit on the tree. Break down the barrier of stubbornness and pride otherwise you'll always be a part of the crowd..

hubag bohol

  • AMBASSADOR
  • THE SOURCE
  • *****
  • Posts: 89964
  • "Better to remain silent and be thought a fool...
    • View Profile
Re: Bulsa sa shorts gikaon aron siya mo-survive
« Reply #4 on: November 14, 2012, 08:55:22 AM »
He he, mora mag scriptwriter og radio drama ang reporter ani... :P

Linkback: https://tubagbohol.mikeligalig.com/index.php?topic=57705.0
...than to speak out and remove all doubt." - Abraham Lincoln

Book your travel tickets anywhere in the world, go to www.12go.co

unionbank online loan application low interest, credit card, easy and fast approval

Tags: