MikeLigalig.com

Ni Guam P. Logroño
Monday, September 17, 2012


BUS driver namatay human giluba sa 11-an­yos nga anak nga babaye nga milaban dihang nagkaaway sila sa iyang asawa niadtong Dominggo sa alas 11 sa gabii sa ilang balay sa Barangay Canbanua, lungsod sa Argao, Sugbo.

Si Toro (di tinuod niyang ngan), 38, driver sa mini bus, namatay sa samad dinunggaban sa walang dughan sa kitchen knife nga gigamit sa iyang anak nga tinun-an sa grade six.

Gibilin sa biktima ang iyang 13 anyos nga kamaguwangang babaye ug 11- anyos nga anak nga babaye ug ang duha ka bulang ba­tang babaye.

Si Insp. Alejandro Batobalonos, hepe sa Argao Police nga nahinabi sa Sun.Star Superbalita, niingon nga sila si Toro ug ang iyang kapuyo nga si Lea (di tinuod niyang ngan), 37, nag-away sa wa pa mahitabo ang krimen.

Ang giawayan sa duha ma­o ang pagkabuang sa bik­tima sa usa ka babaye nga giingong minyo usab hinungdan nga nagsige na lang sila og away ingon man nagkabuwag sa pagpuyo.

Nasuko og maayo ang iyang kapuyo human ni­adtong miaging semana gitangtang isip driver sa heavy equipment sa construction ni Argao Mayor Edcel Gallos ang biktima tungod kay gikatahong gika-relasyon ang asawa sa kaubang driver.

Hinungdan nga mi-drive na lang kini karon og mini-bus nga nagbiyahian sa dakbayan sa Carcar ug dakbayan sa Sugbu.

Apan ang mga panghitabo uwahi nalang kay kaniadto pa nga nagkagubot ang ilang pamil­ya tungod gihapon sa pag­pamabaye sa biktima.

Linkback: https://tubagbohol.mikeligalig.com/index.php?topic=54770.0

NAKADAGAN

Ang biktima naka­da­gan gawas sa ilang balay samtang ang iyang kapuyo, dala ang tulo ka mga anak nangayo og pakitabang sa ilang mga silingan.

Ang mga silingan ma­oy nipahibawo sa kapulisan.

Sa ilang pagresponde, si Lea mibutyag nga nidagan ang biktima paingon sa tambalanan sa Argao.

Ilang gipa-verify apan way bisan usa ka biktima sa pagpanunggab nga nagpatambal sa ospital.

Ang kapuyo nasamad sab sa nagkada-iyang ba­hin sa lawas tungod sa iyang pagpanimbasog aron di mapatay sa bikti­ma, apan nakagawas ra sa tambalanan.

Gisuhid nila ni Batobalonos ang likod sa balay ug nakakita silag og mga pat-ak sa dugo sa kalibunan hangtod nga mga 100 meters ang gilay-on gikan sa balay, ilang nakit-an ang biktimang nagbuy-od nga patay na ug ang dugo migawas sa iyang ilong ug baba.

Ang kapuyo nibutyag nga ang iyang anak ba­baye maoy nakapatay sa iyang kapuyo.

Ang bata nangutana sa iyang inahan nga “napatay nako si Papa, Mama? Ma-priso nako ani?”

Ang bata nitug-an nga ang kitchen knife gi­patago-an sa iyang inahan sa parador sanglit ma­­kadaghan na silang mag­kaaway sa iyang kapuyo.

Human sa hitabo, ila gilayong gi-turnover sa Department of Social Welfare and Development (DSWD) ang bata aron mapaubos sa stress debriefing.

Linkback: https://tubagbohol.mikeligalig.com/index.php?topic=54770.0

NA-SHOCK

Human niya madunggabi ang iyang amahan, nitawag siya sa iyang 13 anyos nga maguwang ba­baye nga magpatabang kay iyang nadunggaban ang ilang amahan.

Apan ang maguwang nga wa makatingog gilayon, igo na lang sa pagsud-ong sa iyang amahan.

Si Lea nipadayag nga sa 15 nila ka tuig nga pagpuyo sa biktima, wa na siyay giapas niini kon di ang iyang mga bata nga mahatagan sa ilang panginahanglan.

Gibutyag niya nga ang iyang anak nagtuo nga mamatay na siya niadtong higayuna kay nawad-an siya sa panimuot human gibunalan samtang gigabas ang bi­­tiis sa iyang kapuyo.

Ang iyang anak nii­ngon human sa krimen, puslan man nga wa na silay inahan, mas maayong patyon na lang sab niya ang iyang amahan.

Dugang niini nga hubog ang iyang kapuyo niadtong higayuna dihang nagkaaway silang duha.

Gipadayag niya nga saputon ang iyang kapuyo kon di niya makontak ang iyang kabit.

Gipatik sa mantalaang SuperBalita Cebu Septembre 18, 2012.

Linkback: https://tubagbohol.mikeligalig.com/index.php?topic=54770.0

Naniguwang na man kog basa og grisly news, pero na-shock bitaw ko aning paggabas sa bitiis. Kahunahuna man lang ta sa movie series nga SAW...

Linkback: https://tubagbohol.mikeligalig.com/index.php?topic=54770.0

Guapohun gayod cguro ni si Ondoy nuh? kay daghang mang nailad..O, maayohun lang gayong modiskarte, ug naa pajud ni siya siguroy lumay..

Linkback: https://tubagbohol.mikeligalig.com/index.php?topic=54770.0

Ni Darrel Carumba (Banat) Updated September 19, 2012 12:00 AM


CEBU, Philippines - Gilangaw ug way naluoy nga mga kabanay aron pag-asikaso ang paghipos sa patay’ng lawas sa amahang napatay sa iyang 11-anyos nga dalagitang anak diha sa Isidro Kintanar Memorial Hospital sa lungsod sa Argao hinungdan nga gipalubong nalang dayun kini niadtong Lunes sa hapon sa kapolisan.

Matud ni Insp. Alejandro Batobalonos dihang nahinabi sa Banat News dunay mga kabanay sa biktima nga igo lang miadto ug mitan-aw sa iyang patay’ng lawas sa morge og kadali ug pagkahuman molakaw lang usab dayon.

“Wa may tagtungod nga nagpakabana paghipos, naay mo-anha iyang mga uyoan o iyaan pero igo raman molili ini’g kahuman molakaw dayun,” pahayag pa ni Batobalonos.

Matud niya nga ilang namatikdan bisan sa mga molupyo nga nahibawo sa hitabo ug mga silingan sa pamilya atua gyud ang simpatiya sa anak nga onse anyos nga nakapatay ug sa inahan niining gikulata ug diriyot putli og mga paa ug sa duha pa ka igsuon sa onse anyos.

Ang kapolisan nakig-alayon na sa Department of Social Welfare and Development aron mapailawom ang 31-anyos nga ginang ug ang mga anak niini nga mapailawom sa stress debriefing aron inanay nga makalimtan ang nahitabo sa ilang banay.

Matud ni Batobalonos tungod kay walay nagpakabanang mga kabanay ngadto sa biktima gilubong nalang nila kini pagkahapon niadtong Lunes sa sementeryo sa lungsod sa Argao.

Sumala pa ni Batobalonos ang manag-inahan nagplanong mobalik sa ilang probinsya sa Masbate aron didto magsugod og balik sa ilang pagpuyo.

Kahinumduman nga Domingo sa gabii dihang nadunggaban sa 11-anyos nga dalagita ang amahan dihang gipusposan sa naulahi og kahoy ang ulo sa inahan sa dalagita ug pagkalup-og sa yuta giyak-an ug gigabas ang mga paa niini.

Ang dalagita daling mikuha og plamingko ug gidunggab ang amahan sa dughan hinungdan nga kini midagan sa gawas ug gibaharang balikon ang manag-inahan apan nalup-og na diay kini kapin 100 ka metros diha sa gawas tungod sa maong samad dinunggaban. Giingong hingulata ug himamaye ang biktima ug gibiyaan na ang pamilya tungod kay nakigpuyo og laing babaye.

Si Gov. Gwendolyn Garcia mimandong patabangan ang bata ug ang inahan ingon man ang duha pa ka mga anak niini. (Darrel A. Carumba/EIM) (BANAT NEWS)

Linkback: https://tubagbohol.mikeligalig.com/index.php?topic=54770.0

kana kay naingon man ana nga walay nagpakabana salbahis gyud diay nang tawhana maung way nalooy..bisan ako maka ingun kog mirisi purya damag lamang niya nga nag laroy2x naron ambot asa naron sya ibutang ni lucifer..:!

Linkback: https://tubagbohol.mikeligalig.com/index.php?topic=54770.0