MikeLigalig.com

Ni Davinci S. Maru


MOKABAT sa P1 million nga balor sa gidudahang shabu nga nasakmit gikan sa usa ka barangay kapitan sa Bonotbonot, Buenavista, Bohol atol sa raid sa Regional Special Operations Group (RSOG) 7 niadtong Biyernes sa gabii.

Usa ka magtiayon nasikop usab sa mao nga ronda tungod sa paghupot og illegal nga mga armas atol sa operasyon nga gipahigayon base sa search warrant mga alas 10:50 sa gabii.

Si Chief Insp. George Ylanan niila sa mga suspek nga sila si Brgy. Capt. Alexter Mata, 45, ug Percival Sebua ug ang iyang asawa nga si Maribel.

Nakuha gikan sa possession ni Mata ang pinutos nga gituohan sa mga pulis nga ningtimbang og 100 ka gramos.

Nasakmit gikan sa magtiayong Sebua mao ang usa ka kalibre .45 nga pistola ug usa ka kalibre .38 nga revolver.

Si Ylanan, sa usa ka interbyu, niingon nga didto sila sa dapit aron pag-serve sa warrant nga giisyu ni Regional Trial Court (RTC) Branch 47 Judge Suceso Arcamo sa Tagbilaran Bohol batok sa magtiayon.

“Nakadungog nalang mi naa’y nidagan sa likod sa balay,” matod niya nga nagtumbok kang Mata.

Ang barangay kapitan naghupot sa gidudahang shabu ug molabay na unta niini dihang nasakpan sa kapulisan.

Siya niingon nga wa sila magdahom nga si Mata nalambigit sa illegal nga drugas.

Nakugang na lang sila dihang ang barangay kapitan nipakita sa iyang identification (ID) card.

“Iyang mga konsehal kuyog namo niingon nalang niya, ‘trabaho ra ni amo kap,” matod ni Ylanan.

Sa imbestigasyon, si Mata niangkon nga nalambigit sa drug pushing, nga nagsilbing middleman aron ikasuporta sa pamilya.

Kasong kalapasan sa Republic Act (RA) 9165 kun Comprehensive Dangerous Drugs Act of 2002 ang ipasaka batok kang Mata.

Agoy...... shabu kaptin diay ni si kap.. idol ko si kap

until now, daghan pa gyud bu**** sa kilid2x nato.. kahibaw na nga bawal, maka-daot, dli pwede.. magsige lang gihapon... jamoy makuha kung mag-drugs

uy..nganong gidakop pa man?...gipadagan lang unta..

inig dagan...----

Life imprisonment ra ba ang silot ani. Ayaw gyud mo ug sulod aning negosyoha. Luag pang Munti.

dko musolod aning negosyoha kay delikado, motilaw lang unya kog unsay lami ani puhn..

Quote from: Pikoy on November 11, 2012, 01:50:45 PM
dko musolod aning negosyoha kay delikado, motilaw lang unya kog unsay lami ani puhn..

ayaw na lag tilaw pikoy mahigam unja ka.

lami gyud daw ang bawal kay dala thrilling TOINK!

Quote from: fdaray on November 11, 2012, 02:07:02 PM
ayaw na lag tilaw pikoy mahigam unja ka.

patilawon lang gud para dli pod ma-ignoy tawn :

Quote from: jorgeanna on November 11, 2012, 02:14:24 PM
patilawon lang gud para dli pod ma-ignoy tawn :

wahahaahah...ignoy gyud.. madam, pero kung ingnon tang ni graduwar nako anah...