MikeLigalig.com

SuperBalita Cebu
Ni Guam P. Logroño
Saturday, June 22, 2013


GIPUSIL, gidunggab ug gibunal­bunalan ang 53-anyos nga biyuda sa 32 anyos nga mag-uumang nanguyab kaniya apan iyang gibasted.

Gawas sa suway nga pagpatay kaniya, gisunog pa ang iyang balay sa miaging gabii sa bukirang dapit sa Barangay Babayongan, Dalaguete, Sugbo.

Si Natividad Millan, mag-uuma, nakaangkon og samad pinusilan sa bukton, mga samad ug sa nagkadaiyang parte sa lawas, ingon man sa ulo human siya gibunalbunalan sa suspek nga si Bienvenido Millan, 32, ulitawo, paryente sa iyang bana nga namatay.

Ang suspek nga gihulagway sa kapulisan nga maldito mieskapo human sa hitabo ug wa pa madakpi sa kapulisan sa pagsuwat ning taho.

Si PO3 Franklin Dian, imbestigador sa Dalaguete Police nga nahinabi sa Sun.Star Superbalita, nagkanayon nga ang biktima natulog na unta sa miaging gabii dihang niabot ang suspek.

Si Bienvenido nga giingong nanghasi, giguba ang bongbong sa iyang balay ug dihang nakasulod, gipusil ang biktima.

Di pa igo, gidunggab siya makadaghan ug gibunal-bunalan.

Bisan kon siya samdan ug daghan og mga bun-og, ang biktima nakamaniho sa paglikay, nakadagan ngadto sa iyang mga par­yente.

Ang mga paryente sa biktima niadto gilayon sa balay sa biktima, apan maoy ilang naabtan nga nagdilaab na kini sa kayo ug naugdaw human gidauban sa suspek.

Pakatoytoy...

ha? unsa man intawn nakaon sa laki nga batan-on man unta cya. daghan na gyud way klaro sa palibot

Malagmit naay laing giapas ang kanahan...