MikeLigalig.com

"TILL death do us part". Kini ang pahayag ni Arjie Gulipato, hinigugma ni John Caniban sa Punto Weekly news nga apil sa mga biktima sa mangilgig nga masaker sa sitio Masalay barangay Salman, Ampatuan, Maguindanao.

Dungan sa misa sa patay'ng lawas ni Caniban sulod sa simbahan sa Miracle of Life Born Again Christian, gihimo sab ang seremonya sa kasal nga gipangulohan ni Pastor Ed Gabuat.

Kadaghanan sa mga tawo nakahilak, human makita ang dalaga suot ang puti nga gown nga mipaso uban ang lungon nga gibutngan sa patay'ng lawas sa iyang hinigugma.

Si John ug Arjie dugay na nagplano nga magpakasal, apan wala kini maduso tungod kay padayon pa sab silang nagtigum og kwarta nga ikagasto. Sila may anak nga walo ka bulan.

Sumala pa nga gikatakda na unta karong Disyembre 17 ang kasal sa duha ug sagad sa mga ninong nga kuhaon mga sakop sa media.

Ang pamilya sa biktima way puas sa pagsinggit og hustisya sa gidangatan sa ilang banay, lakip na ang ubang biktima. (Edgardo Fuerzas, Sun Star)

OMG!.. dli nako ma-imagine ang scenario

Bisan kinsa nga magtan-aw ani
diin ang groom gihaya ug ang bride
naa sa tupad, makahilak gyud sa
kalooy, oh, my how tragic