MikeLigalig.com

Ni Raymond Abarcas, BDB (Banat) | Updated April 30, 2014 - 12:00am
 

CEBU, Philippines -  Usa ka 22-anyos nga ulitawo kinsa giingong wala makasulti sa iyang gibati ngadto sa iyang naibgan nga dalaga miunay paghunos sa iyang kinabuhi didto sa Toledo.

Gihigtan ni Alberto Malasado Jr. og pisi nga nylon ang iyang liog kagahapon sa buntag didto sa Sitio Lawis, Barangay Luray II, dakbayan sa Toledo.

Ang lawas ni Malasado napalgan na lang sa iyang ig-agaw nga babaye nga nagbitay na nga walay kinabuhi diha sulod sa ilang balay.

Ang inahan ni Alberto nga si Rosalia Malasado, 44, mibutyag sa Banat News nga ang iyang anak nakagusto sa ilang silingan nga dalaga apan mauwaw kining mopadayag sa iyang gibati.

Si Rosalia nagtuo nga wala makaagwanta ang iyang anak tungod kay wala kini makapadayag sa iyang gugma ngadto sa dalaga’ng iyang nagustohan hinungdan nga kini naghikog.

Giingon nga adunay mga higayon nga si Alberto makit-an sa iyang inahan nga maghinuktok samtang magtan-aw sa hulagway sa mao nga babaye diha sa iyang cellphone.   (BANAT NEWS)

Linkback: https://tubagbohol.mikeligalig.com/index.php?topic=78222.0