MikeLigalig.com

SuperBalita Cebu
Ni Dennes R. Tabar
Monday, June 17, 2013


ANG Department of Education (Dep-Ed) sa dakbayan sa Mandaue mipahi­mangno sa mga magtutudlo nga mag-amping sa pagsugo sa ilang mga tinun-an.

Kini human sa pagkadisgrasya sa 10-anyos nga tinun-an nga babaye sa Mandaue City Central School nga giingong gisugo sa iyang magtutudlo nga magpa-photocopy sa mga dukomento.

Ang tinun-an giila nga si Yanissa Tores, kinsa ni­gawas sa ilang tunghaan human giingong gisugo sa magtutudlo apan nadasmagan hinungdan sa pagkaangol ug pagkadangat sa tambalanan.

Imbestigahon sa DepEd ang mao nga hitabo.

Si DepEd Mandaue administrative officer, Benjamin Tiongson, niingon nga mopahigayon sila og seminar-workshop sa mga magtutudlo aron lab-ason ang ilang mga provisions sa Child Protection Policy.

Ang seminar-workshop gikatakda karong semana­ha nga salmotan sa mga principal aron mao nay mo­pahibawo sa ubang mga magtutudlo.

Matod ni Tiongson nga adunay provisions gikan sa DepEd Order number 40 series of 2012 kun Child Protection Policy diin ang mga magtutudlo gidid-an sa paghatag og tahas sa mga tinun-an nga mabutang sa piligro ang mga bata.

Agoi, daghan ra bang maestra nga ingon ani...

Quote from: hubag bohol on June 18, 2013, 09:51:24 AM
Agoi, daghan ra bang maestra nga ingon ani...

daghan gyud.. bisan unsaon pa ug remind sa mga school heads / teachers nga i.discourage na ang ingon ana nga praktis, naa man gihapon wa pato-o.. some would hire teacher aide...

Mao bitaw. Unya mo-surface lang as an issue kon naa nay mahitabo...