By Marvin Pineda, Sun Star
Usa ka amahan brutal nga gipatay sa iyang anak-anak pinaagi sa pagtigbas ug pagpunggot sa iyang ulo didto sa Purok 9, Sityo Pagsilaan, Barangay New Andap, lungsod sa New Bataan, Comval Province, Lunes sa gabii.
Nailhan ang biktima nga mao si Ardiano Ordanisa, 62, usa ka mag-uuma, molupyo sa Barangay New Andap sa maong lungsod.
Samtang ang suspek nailhan nga mao si Leonard Uyanguren, 22, molupyo sa maong lugar.
Sa report gikan sa Comval Provice Police Provincial Office nasayran nga pasado alas 7:00 sa gabii napalgan na lamang matud pa ang biktima sulod sa ilang balay nga wa nay kinabuhi ug daghang samad tinigbasan sa kalawasan.
Nabulag na sab ang ulo sa biktima sa iyang lawas human nga gigulgol sa suspek ang iyang liog.
Wa pa natagbaw ang suspek iya sab nga gihiktan og nylon ang duha ka tiil ug kamot sa biktima human gipatay.
Sa imbestigasyon sa kapulisan nasayran nga nahimo matud pa sa suspek ang pagpatay sa iyang ama-ama tungod dili na niya maantus ang ginahimo ngadto sa iyang inahan.
Ginakulata matud pa sa biktima ang inahan sa maong suspek ugaling mahubog lakip ang iyang manghod.
Agi'g pagpanimalos brutal nga gipatay niya ang biktima didto mismo sa ilang balay.
Linkback:
https://tubagbohol.mikeligalig.com/index.php?topic=34496.0
Topic: Bana nga Mangulata ug Asawa Giputlag Liog sa Anak (Read 2775 times)