MikeLigalig.com

published by Brigada News

UGDAW ang ikaduhang andana sa usa ka balay human gilamoy sa higanteng kalayo, pasado alas 4:00 sa hapon ning nakalabay’ng adlaw sa Purok 5, Cadena de Amor, Talomo Canter Beach.

Ang maong balay gipanag-iyahan ni Boy Valenzuela nga anaa na karon nagpuyo sa Bulacan.

Si PO2 Roman Agor Jr., imbestigador sa Talomo PNP nagkanayon sa iyang spot report nga usa ka nagpailang Pinky Balaquio ang nakasaksi sa sunog dihang nadungog niya ang usa ka lanog nga buto ug gisundan gilayon sa dakong kalayo gikan sa ikaduhang andana sa maong balay.

Matud ni Agor, walay bisan usa nga hintungdan ang nahibilin sa maong balay dihang nasunog kini tungod milakaw ang caretaker nga si Sherelyn Babano.
Kapin usa ka oras nakigkumbati ang mirespondeng mga bombero gikan sa Talomo Fire Station ug Central 911 Fire Fighters una napalong ang dakong kalayo.
Sumala ni FO3 Joyphine Reambonanza sa Talomo Fire Station, electrical short circuit ang hinungdan sa maong sunog kung diin kapin P 500,000 ang danyos.(Roger G. Abelo)