Ni Guam P. Logroño
Friday, October 14, 2011
TUNGOD sa P500 nga giingong gikawat, gipatay sa usa ka construction worker ang commercial sex worker human
sila maghilawas duol sa sapa sa Brgy. Pangdan, siyudad sa Naga niadtong Miyerkules sa gabii.
Giangkon sa suspek nga iyang gilumsan ang biktima sa sapa sa Sitio Rock Gray kay wa gyud giuli ang iyang
P500 bisan kon iya nang gibayran og P200 ang biktimang naila lang nga Kim.
Ang biktima gibana-banang nagpangidaron og 30 anyos, 4â€9 ang gitas-on, tambukon, puti-on ang pamanit
ug dunay tattoo nga rose sa may pusod, nagsul-ob sa puti nga blouse nga color blue sa atubangan nga dunay
nakabutang nga hulagway sa usa ka cartoon character.
Sa sinugdan, nagtuo ang kapulisan nga biktima ang mao nga babaye sa bagyong Ramon, apan nagduda
sab silang dunay foul play ang kamatayon niini kay wa na siyay panty dihang nakit-an didto sa sapa
nga nasangit sa dakong bato kagahapon sa alas 6:00 sa buntag.
Si Chief Insp. Timmar Alam, hepe sa Naga Police Station nga nahinabi sa Sun.Star Superbalita,
nagkanayon nga nagtuo sila nga dunay foul play hinungdan nga dali silang nihimo og follow-up.
Tungod niini, ilang nadakpan mga ala 1 kagahapon sa hapon si Alfredo Largo Jr. 27, minyo,
construction worker, sa iyang balay sa bukirang lugar sa Barangay Jagimit, dakbayan sa Naga.
Nisuway sa pag-ikyas ang suspek dihang iyang nabantayan ang mga pulis, apan dihang gisinggitan
sa kapitan hinunong ug nirason nga nidagan siya kay nakabuhi ang iyang baka.
Dihang gipahibawo sa kapulisan labot sa nahitabo, niangkon siya nga siyay nipatay sa biktima tungod sa iyang kalagot niini.
Matod pa ni Alam nga ang suspek nitug-an nga gikan siya sa dakbayan sa Sugbo diin siya nagtrabaho isip construction worker.
Nakainom na siyang daan dihang niabot sa dakba- yan sa Naga niadtong Miyerkules sa alas 10 sa gabii.
NAGSABOT MAG-SEX
Nihapit siya sa may Baywalk sa Poblacion, Naga, nag-inom-inom og beer diin iyang nakaila ang biktima kay
nagsigi o duolduol ug nangayog P5 kay ipalit og balut ug nagka-inom silang duha.
Nagkasabot sila nga mag-sex sa P200 nga bayad hinungdan nga mga alas 11 sa gabii sa maong pitsa nakahukom silang manglakaw.
Nangita silag habal-habal nga kasakyan sa highway.
Nagpahatod sila sa habal-habal driver sa Sitio Gray Rock nga moagig sapa nga awaaw kaayo diin didto sila
sa usa ka gamay nga lingkuranan una nagromansa.
Mga duha ka round silang naghilawas sa biktima kay maoy ilang nasabutan.
Apan human niini nahibulong siya kay wa na ang iyang P500 diha sa iyang bulsa nga iyang gitago-an.
GILUMSAN
Iyang gisukmatan ang biktima tungod kay nagtuo siya nga kiniy nagkuha sa kwarta atol sa ilang pagromansa
kay nagsigig hikaphikap sa iyang pantalon.
Apan ang biktima nanghimakak ug di gyud mouli sa P500 nga gitago-an niini, hinungdan nga napugos siyag kuot
sa karsones sa pikas side nga wa gi-apil sa paghubo samtang sila naghilawas.
Ang biktima nilugnot sa iyang pagkuot unta sa bulsa mao nangatagak na hinuon silang duha sa sapa.
Nag-ubo ang biktima nga hubo ang tibuok lawas sa taga bagtak nga gilawmon sa tubig.
Apan nisukol gihapon kini kaniya hinungdan nga iyang gilumsan hangtud nga dihang nabantayan niining wa na molihok,
iyang gipangita ang pitaka niini apan wa ang kwarta.
Sa paghiling niya sa bulsa sa karsones sa biktima, didto ang iyang P500 ingon man ang gibayad nga P200 hinungdan nga gi-apil niyag kuha.
“Ako man tong gila-in ang P500, Sir, kay para sa akong asawa inugpalit tawon tog bugas sa akong pamilya.
Nakahibalo gyud ko nga P700 nalang nahabilin ka yang P200 ako man gibayad niya†dugang sa suspek.
Gipatik sa mantalaang SuperBalita Cebu Oktubre 14, 2011.
Linkback:
https://tubagbohol.mikeligalig.com/index.php?topic=43921.0