Ni KRIS C. SIALANA
MAAYONG pagkabalintong sa usa ka babaye human gilabnihan sa riding-in-tandem mga alas 4:00 sa hapon niadtong milabay nga adlaw sa Rizal-Chavez Streets ning siyudad sa Cagayan de Oro.
Naila ang biktima nga mao si Marjury (bansagon gipatago), 35, minyo ug lumolupyo sa Adelfa Extension, Carmen ning siyudad.
Sa impormasiyon gikan sa Police Station 1 (PS1) sa Divisoria nasayran nga samtang anaa sa maong dapit ang biktima kalit lamang kining gilabnihan sa mga suspetsado nga nakamotorsiklo.
Nabitad ang shoulder bag sa biktima hinungdan nga maayong pagkatumba niini ug gumikan sa kakusog sa impak sa pagkahagsa hinungdan sa pagkaumod sa dagway sa maong babaye nga miresulta sa bun-og ug samad sa iyang nawong.
Dali usab nga nakasibat ang mga wala mailang suspek dala ang bag sa biktima samtang ang biktima ang gidala sa city hospital.
Sa pagsulat niini nga balita ang maong babaye ang pabilin pa nga anaa sa nahisgutang balay tambalanan samtang ang maong insidente ang giduso na sa operatiba sa kapolisan sa PS1.
Gipatik sa mantalaang Superbalita Cagayan de Oro Mayo 29, 2016.
Linkback:
https://tubagbohol.mikeligalig.com/index.php?topic=82322.0
Topic: Babaye gilabnihan, sa kakusog nahisarasay nabalintong naumod napangos ang nawong (Read 632 times)