Gikan sa Banat Newspaper
Nanggukod og sundang ang usa ka lalaki nga nasuko sa ka daghang magkawos og tubig sa tabay nga duol sa iyang panimalay sa sitio Biasong, Duangan, lungsod sa Pinamungajan niadto’ng nakalabay nga adlaw.
Apan gisikop sa kapolisan si Ignacio Tangihan Jr., human gireklamo sa usa ka Elvira Rico, 29-anyos, minyo.
Matud ni Police Officer 1 Ian Patrick Carvellido, desk officer sa Pinamungajan Police Station, nga nasuko si Tangihan kay daghan kaayo’ng mogamit sa tabay duol sa iya’ng balay.
Ang mga silingan niingon nga dili si Tangihan ang tag-iya sa tabay ug igo lang kini nag-atiman. Sa kalagot ni Tangihan giingong iya giguba apan giayo ni Rico.
Human nakita ni Tangihan nga giayo sa babaye ang tabay nagdala kini og sundang nga nidasmag sa iya’ng silingan dala ang singgit nga “patyon tika ug ang tanan nga mohilabot sa tabayâ€.
Pwerte’ng dagan sa babaye gumikan sa kahadlok ug nangayo og tabang sa kapolisan.
Linkback:
https://tubagbohol.mikeligalig.com/index.php?topic=79878.0