Ni Guam P. Logroño
Friday, March 9, 2012
AUSTRALIAN national ingon man ang giingon niyang kabit nga kusinera pulos hubo ang tibuok nilang mga lawas dihang dihang gipadakop sa asawang Pinay samtang nagdulog sulod sa Moby Dick Bar and Restaurant kagahapon sa alas 3:45 sa kaadlawon sa Barangay Talisay lungsod sa Sta. Fe, Isla sa Bantayan.
Wa na makailis ang duha kay gikuha sa asawa ang ilang underwear dihang gikalitan sila sa pagsulod sa ilang gikatulgan.
Tinuod nga mga ngan sa magtiayong Australian ug iyang asawa nga Pinay nga nars ingon man ang sa kusinera gipugngan ning mantalaan.
Si Adan (di tinuod niya ngan), 41, taga Sydney, Australia kanhi general manager sa usa ka IT company ug tulo ka mga anak, gipadakop sa iyang asawa nga Pinay nga si Daisy, 28, lumad nga taga Malate, Manila, usa ka registered nurse, kasamtangang nagpuyo sa Barangay Poblacion Sta. Fe.
Sila si Adan ug Nympha (di tinuod niya ngan), 25, minyo, taga Barangay Poblacion ug stay-in-worker sa Moby Dick and Restaurant isip kusinera, gipangtanggong sa Sta. Fe police station samtang gihikay ang kasong concubinage.
Si PO2 Oscar Badillas, sa Sta. Fe Police nga nahinabi sa Sun.Star Superbalita, nagkanayon nga nidangop sa ilang buhatan kagahapon sa kaadlawon si Daisy aron ipadakop ang iyang bana ug si Nympha.
Dihang niabot ang mga pulis ug si Daisy, ilang naabtan ang duha nga diha sa lawak sa nahisgutang lugar nga pulos hubo mga ang lawas.
Si Daisy nga nahinabi sa Sun.StarSuperbalita nipasabot nga iyang tudloan og leksyon ang iyang bana ingon man kabit aron mapriso hinungdan nga pasakaan gyud niyag kaso.
Gibutyag niya nga niadtong miaging tuig siya nakabantay mga tunga-tunga sa Nobiyembre ug Desyembre human dunay ni-text kaniya labot sa relasyon sa duha apan wa niya panumbalinga.
Apan dihang gihulga na siya sa iyang bana niadtong miaging simana nga dunay mahitabo kaniya, iyang gipa-blotter sa Bantayan police.
Gipalarga siya sa iyang bana sa kaulohan, apan wa siya mopauli, nibalik siya sa agi ug nasakpan gyud niya sa akto ang iyang bana uban sa kabit.
Matod niya nga iyang gikuha ang underwear sa iyang bana ug sa babaye dihang naabtan nila sa kapulisan nga hubo sulod sa lawak. --
http://www.sunstar.com.ph/Linkback:
https://tubagbohol.mikeligalig.com/index.php?topic=48161.0