DAVAO DEL NORTE -- Sa prisohan na nabuntagan ang usa ka babayeng minyo sa usa ka Hapon kuyog ang trato niini human gisikop sa mga pulis tungod sa kasong pagpanapaw.
"Bulag na man mi ato niya. Nakuratan gayud ko," ni Juvy (tinuod nga ngalan gitago), 32, molupyo sa dakbayan sa Tagum.
Kuyog niini nga gidakop ang kapuyo nga si Eric (tinuod nga ngalan gitago sab), 28.
Parehong negusyante ug managsilingan lamang ang duruha.
Duna nay anak ang duruha nga mag-usa ka tuig apan rason ni Juvy, 2009 pa lamang, imbalido na ang iyang kasal sa usa ka Hapon.
Duha ang iyang mga anak sa Hapon ug alegar niini, wala matud pa sila gisuportahan.
Bisan tua sa Japan, moanhi matud pa sa Pilipinas ang Hapon aron mahikay ang kaso batok kaniya.
"Taud-taod na to nga naay summon batok sa akoa wala man nako to gitubag," saysay sa babaye dihang nahinabi sa Superbalita.
Kasamtangang ania sa nasud ang iyang kanhing banang Hapon.
Linkback:
https://tubagbohol.mikeligalig.com/index.php?topic=82311.0