Ni Guam P. Logroño
Saturday, October 13, 2012
SPIDERMAN nag-swimming trunks na lang dihang nadakpan sa kapulisan sa ginukdanay ibabaw sa atop sa kabalayan niadtong Biyernes sa alas 6:30 sa gabii sa Sitio Camagong, Barangay Lahug, dakbayan sa Sugbo.
Si Victor Orbizo, 22, ulitawo, alias “Spiderman†tungod sa kaabtik niini sa pagsaka sa mga balay sa pag-ikyas, nagpuyo sa nahisgutang lugar, nasikop sa kapulisan human gitulis ang 17-anyos nga dalaga nga taga Talamban nga pasahero sa PUJ sa may Barangay Luz mga alas 5 sa hapon niadtong Biyernes.
Si Chief Insp. Enrique Belciña, hepe sa Mabolo Police nga nahinabi sa Sun.Star Superbalita, ilang giimbestigar kon wa ba usab malambigit sa “Bukas Kotse Gang†sa ilang area of responsibility (AOR) sa Mabolo Police.
Sumala ni Belciña nga ang biktima padulong mopauli sa ilang balay sakay sa PUJ padulong sa Talamban samtang si “Spiderman†mikalit lang sa pagkapyot.
Wa magdugay, ang biktimang naglingkod sa kinatumyan sa lingkuranan dapit sa stepboard gitiunan og kutsilyo dungan sa pagdeklarar og tulis.
Nakuha ang cell phone sa dalaga.
Human sa pagtulis, niambak ug nikaratil pagdagan si Spiderman ug nahanaw.
Matod ni Belciña nga sa ilang gihimong follow-up operation uban sa biktima, ilang nasubay si Spiderman sa gitago-an niini sa may Camagong.
Apan nakabantay sa ilang ilang presensiya ug kalit nga nidagan, nisaka sa mga atop sa mga balay nga nag-ambak-ambak sa iyang pagbalhin.
Hinungdan nga niabot pag kapin sa oras ang ginukdunay tali sa kapulisan ug suspek ibabaw sa atop sa kabalayan.
Ila kining nadakpan dihang niambak gikan sa atop ug nitago sa usa ka imburnal nga nag-swimming trunks na lang.
Niabag hinuon ang mga barangay tanod, nagpakabanang mga residente ilang natuyokan hinungdan nga sa pag-ambak niini, nitago sa imburnal ug ilang nadakpan.
“Pwerting idlasa ani niya mao ning among gitawag og Spiderman. Tiaw mo na mosobra 20 ka panimalay ang iyang giambak ambakan aron lang pagsibat pero sa katapusan amo siyang na-corner,†dugang ni Belciña.
Linkback:
https://tubagbohol.mikeligalig.com/index.php?topic=55834.0
