[sise=14pt]Kaso sa pagpatay ni Archival ipa-archive?[/size]
SUPERBALITA-CEBU
ASTRA ZINA D. LOGARTA
POSIBLING ipa-archive na kon ipahipos diha sa mga record sa korte ang kasong pagpatay kang Atty. Noel Archival ug mga kaubanan.
Kini human nga wa na maatiman ang maong kaso, human usab niinhibit ang RTC Argao sa paghusay niini.
Si Atty. Inocencio dela Cerna, abogado sa kanhi ug pulis ug akusado nga si Joselito Lerion, miingon nga ang pag-archive sa usa ka kaso nagpasabot nga taguan na kini aron dili na usab mamahimong pending o dili na mag-ung-ong diha sa hukmanan.
Gawas nga wa pa’y huwes nga mohupot sa kaso, wa pa usab madakpi ang mga akusado sa kaso nga silang Lerion, Romualdo Iglesia ug Alex Bacani.
Mga kasong mulitple ug frustrated murder ang ilang gi-atubang subay sa kamatayon ni Atty. Archival ug duha ka mga kauban ug pagkaangol sa laing usa niadtong Pebrero sa miaging tuig.
Matod ni dela Cerna, ang mga kaso nga wa na maglihok, angayan nang i-archive kun ilubong.
“So that it will not remain as pending. In other words, bury it,†niingon si dela Cerna.
Ang prosekusyon sa ilang bahin, nagÂtinguha pagsupak sa lakang sa depensa.
Gihulagway sa abogado sa pamilyang Archival nga si Democrito Barcenas nga “ridiculous†kun binoang ang tinguha pagpa-archive sa Archival murder case.
Dugang ni Barcenas nga ang labing maayong solusyon alang sa pagpasibog sa kaso mao ang hingpit na gyud nga pagsikop sa mga gikatahapan.
Sa nasayran, gitaktak na sa serbisyo ang tulo ka mga akusadong kanhi sakop sa Highway Patrol Group 7 human sila nipalta pagtungha sa trabaho, mugna sa ilang pagkalambigit sa kaso.
Ang prosekusyon nangayo na og alias warrant of arrest sa korte aron mas mapalig-on ang nagpadayong manhunt operation batok sa tulo.
Linkback:
https://tubagbohol.mikeligalig.com/index.php?topic=79386.0
