Ni Romeo T. Limpangog ug Brenda D. Batuto, GMR (Banat) | Updated May 31, 2015 - 12:00am
CEBU, Philippines - Dugang nakahatag og pagtagad sa mga bisita atol sa Gabii sa Kabilin ang pagpatilaw sa pagkaon sa luto nga bibingka nga nahimo’ng paborito nga lumad nga kalan-on sa mga Mandauehanon.
Si Jef Karlsones, usa ka Amerikanhong turista, niingon nga nakauyon kaayo siya sa talagsaong lami sa bibingka.
Ang dakbayan sa Mandaue usa sa mga gibisita sa mga nisalmot sa kulturanhong kalihukan diin nahimutang ang Mandaue Presidencia nga mao ang City Hall karon, Bantayan sa Hari sa barangay Looc ug ang nagbuntaog nga imahen sa Last Supper sa National Shrine of Saint Joseph.
Niadto’ng Biyernes sa gabii gibuksan ang ika-siyam nga Gabii sa Kabilin diin ang seremonya sa pagbukas gipahigayun sa Fo Guang Shan Chu Un Temple sa V. Rama Avenue, dakbayan sa Sugbo.
“The guest they will bring home, truth sincerity, kindness and beauty and this thru acts of goodness,†panalangin ni Ven Yung Guang, Head Abbess sa Fo Guang Shan Philippines.
Ang Gabii sa Kabilin naghatag og kahigayunan sa bag-ong henerasyon nga ma-edukar kabahin sa kasaysayan ug masinati usab nila ang mga kultura sa una’ng panahon.
Linkback:
https://tubagbohol.mikeligalig.com/index.php?topic=80076.0