MikeLigalig.com

Ni Stephanie Viovicente-Berganio
Tuesday, March 15, 2011


NAGHIKOG ang usa ka amahan pinaagi sa pagtigbas-tigbas niini sa iyang bukton niadtong Domingo mga alas 9:00 sa gabii didto sa Barangay Linangkayan, lungsod sa Naawan, Misamis Oriental.

Giila ang biktima mao si Melbert Madriano, 34, taga Purok-2, susamang lungsod.

Gisaysay sa asawa niini nga grabe kaayo kahubog ang iyang bana niadtong gabhiona ug dihang miuli sa puloy-anan kalit lang kining mikuha og sundang ug naglasong.

Unang gitigbas niini ang kaugalingon labina sa iyang bukton ug kamot ug nagsige og yawyaw nga walay pulos iyang kinabuhi.

Naglasong ang biktima ug sa kahadlok sa asawa nga apil tigbason nagpatabang kini sa iyang mga silingan hinungdan nga nagparespondehan og polis gikan sa Naawan Police Station.

Dihang mireponde ang kapolisan gibadlong si Madriano ug giilog ang iyang sundang nga dala apan misukol kini sa polis hinungdan nga gipusil sa mirespondeng polis niadtong gabhiona.

Naigo ang paa sa biktima usa pa kini nahilom ug nabuhian ang sundang nga dala.

Dali nga gidala sa mga polis ang biktima sa Northern Mindanao Medical Center ning siyudad sa Cagayan de Oro kinsa padayon pa nga giatiman sa mga doktor sulod sa emergency room ning panahona.

Wala usab gibasol sa asawa ang polis nga nakapusil niini labina nga dako man sayop sa iyang bana.


Gipatik sa mantalaang SuperBalita Cagayan de Oro Marso 15, 2011.

Quote from: hubag bohol on March 15, 2011, 01:49:01 PM
Unang gitigbas niini ang kaugalingon labina sa iyang bukton ug kamot ug nagsige og yawyaw nga walay pulos iyang kinabuhi.

Kaluoy pud tawon. Nganong pahimungtan man gud ang kaugalingon...

Quote from: hubag bohol on March 15, 2011, 01:49:01 PM
Dihang mireponde ang kapolisan gibadlong si Madriano ug giilog ang iyang sundang nga dala apan misukol kini sa polis hinungdan nga gipusil sa mirespondeng polis niadtong gabhiona.

Sa pagbasa nako sa ulohan aning balitaa, abi nakog gitiwasan sa pulis ang naghikog...

Misleading usahay ning Banat ug Sun Star Balita mosuwat ug headline. Abi pud nako ug patay na, unya gitiwasan ug patay sa police.

Morag giseguro nga patay na jud, o kaha ang patayng lawas gigamit sa target practice...

sayop ang title nga naghikog imbis naghuramentado kaha,
walay tinguha maghikog kay bukton man ang gitigbas ug dili iyang tiyan 

Quote from: statesville on March 17, 2011, 01:16:22 AM
sayop ang title nga naghikog imbis naghuramentado kaha,
walay tinguha maghikog kay bukton man ang gitigbas ug dili iyang tiyan 

Sakto tuod. Sa iyang gibuhat, maingon nga dili gustong maghikog. Gustong mapungkol tingali...