MikeLigalig.com

Ni Sheila C. Gravinez
http://www.sunstar.com.ph/
Saturday, January 26, 2013


DILI welcome sa lungsod sa Dumanjug sila si Acting Governor Agnes Magpale ug Provincial Board Member Arleigh Sitoy human gidiklarar nga personae non gratae sa konseho sa maong dapit.

Sa Resolution No. 19-2013 nga giaprobahan sa Sangguniang Bayan sa Dumanjug atol sa ilang regular session niadtong Enero 23, 2013, gihimo ang deklarasyon batok sa duha ka mga opisyal sa lalawigan sa Sugbo.

Ang resolusyon nagkanayon nga hugot nga gisupak sa lungsod ang salawayon nga buhat ug mga lakang nga gihimo nila ni Magpale ug Sitoy batok kang Governor Gwen Garcia.

Si Magpale nga gikuhaan og reaksiyon labot niini, unya na mohatag sa iyang komento ugma kon madawat ug matuki na sa Sangguniang Panlalawigan sa Sugbo ang resolusyon nga gipalabang sa konseho sa Dumanjug.

Samtang si Sitoy sa iyang bahin namahayag nga wa siya matandog sa deklarasyon.

“Di ko matandog sa resolution kay gikan na sa akong suod nga amigo. Ako gani mahalad akong nawong aron panamasta­masan sa akong higalang Nelson, akong kumpare.” ang bokal nagkanayon sa iyang gipadala nga text message sa Sun.Star Superbalita.

Siya nagpasalamat nga wa siya mabun-og dihang nilabay sa Dumanjug atol sa Suroy-Suroy.

Ang naasoy nga lungsod gidumala ni Mayor Nelson Garcia, igsuon ni Gwen.

Ang mayor nii­ngon gihugaw-hugawan ni Sitoy ang pangan sa ilang pamilya kinsa ilang giisip nga kabahin na sa ilang pamilya.

Malibkas lang ang de­­­­klarasyon batok nila ni Magpale ug Sitoy kon ang duha mag-public a­­­pology sa ilang pagpanginsulto kang Gwen, dugang ni Nelson.

 
Gipatik sa mantalaang SuperBalita Cebu Enero 27, 2013.

Quote from: hubag bohol on January 27, 2013, 11:24:37 AM
Siya nagpasalamat nga wa siya mabun-og dihang nilabay sa Dumanjug atol sa Suroy-Suroy.

He he, dramaturgo pud...

"Agnes Magpale ug Arleigh Sitoy di welcome sa Dumanjug"

obyos ba??.. :)alangan man!! unsa pud..