Ni Guam P. Logroño
Wednesday, July 25, 2012
BISAN pa man sa pangidaron nga 94-anyos, nahimo gihapon sa usa ka lolo ang paglugos sa iyang 34-anyos nga apo nga amang ug bungol niadtong Domingo sa alas 10 sa buntag sa Barangay Laguna, lungsod sa Dalaguete.
Apan ang kaidlad ni Lolo Matador (di tinuod niyang ngan) sa pagdagan sa bakilid bisan sa iyang katiguwaÂngon wa magsilbe kay nadakpan siya sa kapulisan sa lungsod sa Dalaguete nianang hapon sa samang adlaw.
Kini human moreklamo ang inahan sa biktima nga anak sa suspek.
Niadtong Lunes gipasakaag kasong pagpanglugos si Lolo Matador human nasuta sa paghiling sa pink room sa Vicente Sotto Memorial Medical Center (VSMMC) nga positibong gihilabtan ang apo nga special child.
NASAKPAN
Si PO1 Cielito Suerte, sakop sa alert team sa Dalaguete Police kinsa usa sa mga ningdakop kang Lolo Matador, nga nahinabi sa Sun.Star Superbalita nagÂkanayon nga ang inahan sa biktima dunay gilakaw niadtong Dominggo sa buntag.
Apan kay sila rang tulo sa suspek ug sa iyang anak nga special child sa balay kay ang uban niyang mga anak niini nagtrabaho na sa dakbayan sa Sugbu, iya ning gibilin sa apuhan.
Sanglit naandan na niya kining gibuhat kay masuko usab ang apuhan nga ibilin ang biktima sa ilang mga silingan.
Wa siya magdahom nga dunay dautang plano ang iyang amahan sa iyang anak.
Sa pag-abot sa inahan gikan sa lakaw, sirado ang pultahan hinungdan nga didto siya miagi sa pikas nga pultahan sa balay.
Didto iyang nakit-an sa akto ang suspek nga hubo ang tibuok lawas nagpatong sa iyang anak nga ang sapot niini diha na sa may tuhod.
Tungod sa iyang kalagot, iyang gisukmag ang suspek, gidabudahan ug gibira aron mapalayo sa iyang anak.
NASUKO PA
Ang suspek nasuko, nikuha og sundang dayon gigukod ang inahan sa biktima hinungdan nga nikaratel sa pagdagan ug nangayog panabang sa mga silingan tungod sa gibuhatan niini.
“Pagkakita sa suspek nga nanggawas ang mga silingan, mikaratel sab sa pagdagan.
Gilatasan ang bakilid daw murag wala panumbalinga bisan pa man sa iyang pangidaron,†asoy ni Suerte.
Ang inahan nitawag gilayon sa iyang mga anak nga nagtrabaho sa dakbayan sa Sugbo ug gipahibawo ang kapulisan.
Sa ilang pagrespondi sa lugar ilang gisikop ang suspek nga wa mosukol, apan nanghimakak nga iyang nahimo ang krimen ngadto sa iyang apo.
“Wala nako siya hilabti. Ako ra intawon nga gihagwa-hagwa ang akong apo,†matod pa sa suspek dihang gidakop nilang mga police.
Apan sa pag-abot niini sa police station niangkon sa krimen ug niluhod ngadto sa inahan sa biktima nga nangayog pasaylo sa iyang gihimo.
Matod pa ni Suerte nga positibo nga nahilabtan ang biktima, apan way duga sa lalake nga nakuha.
Gituohan nila nga taud-taud nang nahilabtan sa suspek ang biktima apan niadto lang Dominggo sa buntag nasakpan.
Gipadayag niini nga dugay nang panahon nga ibilin sa inahan ang biktima ngadto sa apohan kun dunay lakaw sanglit masuko kini kun ibilin sa laing tawo.
Dugang nakuha nilang impormsayon nga ang suspetsado, gawas nga bugoy kaniadto, daghan usab kining mga babaye atol sa iyang kabatan-on.
Human ma-biyudo nitipon nalang nila sanglit dili moÂkuyog sa mga anak niini.
Gipatik sa mantalaang SuperBalita Cebu Hulyo 26, 2012.
Linkback:
https://tubagbohol.mikeligalig.com/index.php?topic=53008.0
Topic: 94-anyos `mi-rape’ sa apo nga 34-anyos (Read 1484 times)