SuperBalita Cebu
Ni Guam P. Logroño
Wednesday, May 28, 2014
USA ka 76-anyos nga biyuda nga gituohang gilugos, gitulis ug gipatay sa wa mailhing tawo sulod sa iyang payag napalgan niadtong Martes sa alas 8 sa buntag sa Sitio Divine Mercy, Barangay Tubod, Barili, Sugbo.
Si Masimina Panugaling, 76, biyuda, penÂsyoÂnada, napalgan sa iyang 6-anyos nga apo nga babaye nga sayong namayabas.
Hubo ang tibuok lawas ug duna siyay samad sa ulo samtang nagkatag ang mga butang ug pantalon sulod sa payag.
Si PO2 Richard Cababat, imbestigator sa Barili Police nga nahinabi sa dySS Super Radyo ug Sun.Star Superbalita, niingon nga ang bata nga distant relative sa biktima, nihapit sa balay sa biktima nga nga nahimutang pipila ka metros ang gilay-on gikan sa ilang balay.
Nakugang ang bata dihang iyang nakit-an ang biktima nga nagbuy-od nga patay na hinungdan nga nidagan siya sa kahadlok ug gipahibawo ang iyang inahan nga si Gemma.
Si Gemma daling niÂpahibawo sa ilang mga kabanay ingon man kang Kapitan Aida Balberona.
Ilang gi-report ang hitabo ngadto sa kapulisan.
Sa pagsusi sa mga pulis, ilang nasuta nga dunay samad sa ulo nga posibling gibunalag maÂgahing butang ug posibling gilugos.
Ilang gipaabot ang resulta sa autopsy report sa National Bureau of Investigation (NBI-7).
Dunay kaila ang kabanay sa biktima mao nga nagpatabang sila sa NBI.
Ang mga silingan naÂÂkadungog og mga uwang sa mga niadtong Dominggo sa gabii hinungdan nga gituohan nila nga niadtong higayuna pa kini gipatay.
“Gihulmigas na ang ubang parte sa lawas niini. Taudtaud na nga namatay, wala lang gyoy nakabantay o nakakita sa kremin,†dugang ni PO2 Cababat.
Matod niya nga lisod isalikway ang posiblidad nga dunay foul play ang kamatayon sa biktima sanglit naghubo na kini ug posibling gitulis ug gilugos.
Linkback:
https://tubagbohol.mikeligalig.com/index.php?topic=78430.0
