SuperBalita Cebu
Saturday, May 31, 2014
CHIEF security officer sa usa ka dakong kompaniya gipatay sa duha ka mga lalaking ning-atang kaniya samtang padulong siya mopauli niadtong Biyernes sa alas 7:45 sa gabii sa Paradise Barangay Cogon, Compostela, Sugbo.
Si Rey Bacud, 28, minyo, chief security officer sa Norkis Yamaha Corp., gideklarar nga dead-on-arrival (DOA) sa tambalanan tungod sa mga samad pinusilan sa ulo, nawong ug buko-buko.
Si PO2 Emil Rubilla, imbestigador sa Compostela Police Station, nagkanayon nga naglakaw ang biktima padulong mopauli human sa duty sa trabaho.
Apan sa pag-abot niya sa awaaw ug ngitngit nga bahin sa Sitio Paradise, ang duha ka wa mailhing tawo nga nag-atang ningpusil kaniya sa makadaghan.
Ang mga residente sa dapit daling ningtabang sa biktima ug gidala sa tambalanan sa dakbayan sa Sugbo, apan wa maka-survive tungod sa fatal nga igo sa ulo ug kalawasan.
Si Rubilla niingon nga gisubay nila ang motibo sa krimen nga may kalambigitan sa trabaho sa biktima.
“Istrikto kuno ni siya sa trabaho ingon iyang mga kauban. Basin naa’y naglagot ani niya,†sumala ni Rubilla.
Gibutyag niya nga si Bacud nagtrabaho sa Norkis sukad niadtong 1996 ug gikatahong nahimong chief security officer gumikan sa ka maayong motrabaho.
Ang asawa sa biktima nga nakuhaag pamahayag sa kapulisan mihatag og ngalan sa tawo nga gikatahong gibangi sa iyang bana nga maoy gisubay karon. GPL
“Daghan na kuno ni siyang napapahawa ug napadakop. Tarong gyud ni siya sa iyang trabaho kay gisaligan man sa tag-iya,†dugang ni Rubilla. (GPL)
Linkback:
https://tubagbohol.mikeligalig.com/index.php?topic=78437.0
