Ni GUAM P. LOGROÑO
USA ka mananagat naghuramentado ug nakatigbas og upat ka tawo sa wa pa kini napatay niadtong Sabado sa alas 8:00 sa buntag sa isla nga Barangay Carnaza, lungsod sa DaanbantaÂyan.
Si Leomides Rabadon, 44, ulitawo ug mananagat sa naasoyng dapit naghuramentado human gipasanginlang nanglugos.
Sa iyang kasuko, nikuha og pinuti ug gipanghapas sila si Cesar Abelgas, 66, dunay kapuyo; Bonifcacio Bohol, 71, minyo; Renato Pasana, 49, pulos taga Barangay Pasil, dakbaÂyan sa Sugbo; ug Patrocenio Eden, hingkod ang panuigon ug taga Barangay Carnaza. Ang upat pulos kritikal.
Si SPO2 Mamerto Gastador, imbestigador sa Daanbantayan police station, nagkanayon nga naglunang sa kaugalingong dugo ang suspek dihang naabtan sa kapulisan nga samad pinusilan sa paa, lubot, samad tinigbasan sa buko-buko, nawong ug lawas.
Matod ni Gastador nga ang suspek nga namatay nasuko ni Bohol.
Sumala pa niini nga ang inahan sa suspek niingon nga ang iyang anak nigawas sayo sa buntag niadtong Sabado nagdalag pinuti ug gibadlong niya kini apan mitubag kini nga di sila paduolon kay wa silay labot.
Pipila ka minutos, usa sa biktima nga si Abelgas niabot gikan naligo sa dagat diin ang giabtang balay niini duol sa panimalay sa suspek.
Ang suspek naghuramentado dayon ug kalit niining gidunggab sa pinuti si Abelgas ug gitigbas hinungdang nagÂkatibuwaag ang mga tawo sa pagpanagan.
Si Abelgas usban unta sa pagtigbas sa suspek apan niabot ang ikaduhang biktima nga si Bohol nga niduol ug gibadlong kini apan mao na usab kini ang giataki ug gitigbas sa suspek.
Linkback:
https://tubagbohol.mikeligalig.com/index.php?topic=80025.0
