Ni Raymond Abarcas (Banat) | Updated May 26, 2015 - 12:00am
CEBU, Philippines – Patay ang usa ka 32 anyos nga lalaki human gikaligo og bala diha sa sityo Lawis barangay Luray Dos dakbayan sa Toledo. Usa ka Romeo Quindao, 32, taga sityo Sto. Niño sa lungsod sa Balamban ang nabulit sa bala ang lawas human gipusil sa makadaghang higayon sa wala pa mailhing mamumuno.
Sa imbestigasyon sa kapulisan, nakig-estorya ang biktima sa usa ka Solomon Bayabos dihang dunay tawong niduol kanila ug gipusil ang biktima sa makadaghang higayon.
Narekober sa kapulisan sa lugar ang 12 ka kabhang sa bala sa kalibre .45 nga gituohang gigamit sa mamumuno. Gidudahang adunay dakong kasuko ang killer ngadto sa biktima ug padayon pa nila kini karong giila. – /EIM) (BANAT NEWS)
Linkback:
https://tubagbohol.mikeligalig.com/index.php?topic=80035.0
