Ni Guam P. Logroño
LOLO gidakop sa kapulisan human nasakpan nga nipaduwa sa iyang kinatawo sa silingang 2- anyos nga batang babaye niadtong Dominggo sa hapon sa Sitio Kilawan, Barangay Tangke, dakbayan sa Talisay.
Si Segundino Labajo, 52, usa ka laborer, minyo, gipriso human siya madakpi sa mga barangay tanod dihang dunay duha ka mga silingang menor de edad nga nakakita sa iyang gibuhat.
Si Inspector Margenett Yosores, chief sa Women’s and Children Protection Desk (WCPD) sa Talisay Police nga nahinabi sa Sun.Star Superbalita, nagkanayon nga si Labajo nisignit sa 2-anyos nga iyang silingan samtang nagduwa-duwa.
Gidala niini ang bata ngadto sa iyang balay dayon iyahang gihubo ang iyang karsones ug underwear dayon gipaduwawaan ang iyang kinatawo sa bata.
Apan ang iyang yawan-ong gihimo nabulabog human dunay silingan nga 15-anyos nga babaye ug manghod nga 12-anyos nakakita sa iyang gihimo.
Ang duha daling ningpahibawo sa inahan sa bata labot sa gihimo sa suspek, gisumbong sa mga barangay tanod ug gipaubos gilayon sa citizens arrest.
Sa pagresponde sa mga pulis, gipusasan gilayon ang suspek, kinsa nanghimakak dihang gisikop, apan dihang naabot sa police station ni-angkon sa kremin.
“Nangayo siyag pasaylo sa 28-anyos nga inahan kay wala daw siyay kalibutan sa nahimo sa bata pero wala dawata, gipasakaan gyud og kaso,†sumala pa ni Yosores.
Linkback:
https://tubagbohol.mikeligalig.com/index.php?topic=54942.0
