MikeLigalig.com

Ni Darrel A. Carumba/EIM (Banat) Updated November 20, 2011 12:00 AM


CEBU, Philippines - Patay ang usa ka batan-on nga giingong hubog nga nagmaneho sa iyang motorsiklo human mabangga sa culvert daplin sa karsada diha sa barangay Langtad siyudad sa Naga kagahapon sa alas 3:30 sa kaadlawon.

Ang patay nang nadangat sa tambalanan si Aldo Flores, taga sitio Tapon barangay Tinaan Naga.

Matud ni PO2 Ken Cabrera, desk officer sa Naga City Police dihang nahinabi sa Banat News gikan ang batan-on nag-inom sa usa ka tindahan sa usa ka Edgar.

Ang tag-iya sa gimaneho nga motorsiklo sa maong batan-on nga si Benaventura Tuglasang mitug-an sa pagsukit sukit sa kapulisan nga human mahubog ang maong mga batan-on gikuha niini ang iyang motor nga gi-parking sa gawas.

Wala siya makabantay nga gigamit kini ni Flores paingon sa habagatang bahin sa Naga.

Sumala pa sa kapolisan wala magsul-ob og helmet ang biktima ug kusog ang pagpadagan niini dihang nabangga sa sementadong culvert ug maayong pagkabunal sa ulo niini ug nakuyapan. Daling gihatud sa South General Hospital ang biktima apan gideklarar nga dead on arrival (DOA). (BANATNEWS)

Giusikan lang intawon ang hinuwamang kinabuhi...