Tuesday, November 1, 2011
NILANDING sa balay tambalanan ang usa ka dalagita human gisuwayan og lugos sa kaugalingon nga uyoan niini niadtong nilabayng adlaw sa Bulua ning siyudad sa Cagayan de Oro.
Ang biktima tagoan na lamang sa ngalan nga Mely, 14, residente sa susamang dapit ug gitumbok nga suspek ang uncle niining gitago usab sa pangalan nga Ronald, hingkod ang edad, silingan sa biktima.
Gisaysay sa biktima nga gisugo siya niadtong tungora pagpahugas sa mga kaldero sa kusina apan kini si Ronald namatikdan sa biktima nga magsige og sunod-sunod kaniya.
Tungod niini iyang gisita ang iyang uyoan nganong magsige og sunod ug wala pa niuli sa puloy-anan niini apan nakurat na lamang ang biktima dihang kalit lang siyang gibira niini ug deretsong gihalokan sa ngabil ug liog sa biktima. Daw magsige pa og hinol sa pribadong parte sa iyang lawas hinungdan nga kusog nga gisipa sa biktima mao nabuhian siya niini.
Gibaharan sa biktima nga iyang isumbong sa iyang inahan ang hitabo mao nga dali kining migawas gikan sa kusina ug miuli sa puloy-anan niini.
Gitug-an sa biktima ang insidente sa iyang inahan ug gipa-blotter kini sa kapolisan sa Police Station 7 (PS7) sa Bulua.
Ang Womens and Children Protection Desk (WCPD) nitambag sa biktima nga magpatambal sa doktor ug magpamedical check-up aron pormal nga mapasakaan og kaso ang suspek.
Gidala ang biktima sa Northern Mindanao Medical Center (NMMC) human usab kini nakaangkon og bun-og dihang gibira-bira sa suspetsado.
SVB Gipatik sa mantalaang SuperBalita Cagayan de Oro Nobiembre 01, 2011. Linkback:
https://tubagbohol.mikeligalig.com/index.php?topic=44088.0
