Ni Philip A. Cerojano
Sunday, July 10, 2011
ONSE ka guest relation officers (GROs) nga gituohang pulos menor de edad ang naluwas sa pagronda sa awtoridad sa upat ka mga balay-kahilayan sa uptown sa dakbayan sa Sugbo.
Ang Cebu Anti Indecency Board (CAIB) nihimo og kalit nga inspeksyon sa Pussycat, Pappillon, Black Hole ug Love City di pa lang dugay.
Si Dr. Lucelle Mercado, chairman sa CAIB, nagkanayon nga ang 11 ka mga babaye ilang gidala ug gisukitsukit bahin sa ilang trabaho ug edad.
Gibutyag ni Dr. Mercado nga upat kanila ang ning-angkon nga wa pa sila moabot sa edad nga 18.
Samtang, ang laing pito wa makapakita og birth certificate sa pagmatuod nga sila hamtong na ug wa sab motug-an sa ilang pangidaron.
Nasakitan kaayo ang doktora sa iyang nakita nga mga menor de edad ang ningsugat sa iyang panan-aw sud sa nahisgotang mga bar.
“It’s really heartbreaking to see these girls, 14, 15, 16 years of age working in this kind of job,†pulong ni Dr. Mercado
Matod ni Dr. Mercado nga nakig-alayon na sila sa Cebu City Inter Agency Council Against Trafficking (CCIACAT) aron pagkuha og birth certificate gikan sa National Statistics Office (NSO) aron pagtino sa ilang pangidaron.
Human nila naluwas ang 11 ka mga dalagita, ila dayon kining gihatod sa Department of Social Welfare and Services (DSWS), diin ila ra usab kining gipapauli ubos sa pipila ka mga kondisyon.
Dugang ni Dr. Mercado nga ilang gikuha ang tinuod nga pangan, address ug contact numbers sa maong mga babaye.
Nasayran niya nga ang mga babaye dunay taga dinhi sa dakbayan, probinsya sa Sugbo ug kasikbit nga mga lalawigan.
Kon mapamatud-an nga nakalapas ang maong mga balay-kahilayan sa pagkuha og mga menor de ead, pasakaan kini og kasong human trafficking ug ubang tukmang kaso nga posibleng pagpasira sa estabilisamento.
Gipatik sa mantalaang SuperBalita Cebu Hulyo 11, 2011. Linkback:
https://tubagbohol.mikeligalig.com/index.php?topic=42200.0