MikeLigalig.com

STATE OF THE NATION ADDRESS OF PRESIDENT GLORIA MACAPAGAL-ARROYO DURING THE 2ND REGULAR SESSION OF THE 14TH CONGRESS OF THE REPUBLIC OF THE PHILIPPINES, 28 July 2008 ..pls click here >http://inquirer.net/sona/2008.php..

PGMA said:  We need a more stringent Anti-graft Laws!
Walay congressman nga mi pak-pak. For the obvious reason they don't want to enact the law that will send them to jail.

But when PGMA said: Texting is a way of life. I convince the telcos to lower the cost of texting between networks. Now it's .50 centavos.
Pastilan kusoga mi pakpak sa mga congressman!

hahahahhaa...pakpak pod ko...

toinkz! nya paghuman kay niingon ang mga telcos nga promo lang yung 0.50 cents/text noh?

nyahahhahaa..mahilig diay magtext ang mga congressman?naa man ang unlimited texting so way silbi ng.50 cents...lol

Anyway, here's the missing part of the SONA, translated in binisaya for general consumption.


      Tungod sa kabaga sa mga taho sa iyang gabinete, wa maapil ni Pres. Arroyo ang tanang angayng hisgutan sa napu ka pahina ug 57 ka gutlo niyang SONA.  Isip magbubuhis nga nakatampo sa nagbusdik nang nasudnong panudlanan, niang mga linya nga angay gyod untang giapil sa SONA 2008:

1.     Tungod sa makugihong pangampanya, nakaangkon kog usa ka milyon ka boto nga mayoriya niadtong 2004 ug naluwas ang nasud ug ang katawhan gikan ni FPJ.  (Hunong para pakpak)  Salamat, Garci!


2.     Kay nakasaad man kong palambuon ang agrikultura, nigahin kog dul-an sa P1 bilyon alang sa abuno.  (Hunong kadiyot; kon way mopakpak, padayon)  Sa ngan sa mga mag-uuma, nalipay ang mga politiko.  Mabuhi ka, Joc-Joc!


3.     Sa kadaghan ug kadagko sa krisis nga nahiagoman sa akong pamunoan, malipayon kong motaho ninyo nga krisis ra say nakaluwas nako.  (Ayaw pagpaabot og pakpak)  Salamat, rice crisis!


4.     Ang piniliay sa 2007 labihang lisora.  Ikaduha ra hinuon sa 2004.  Wa koy lig-ong mga kandidato.  Gawas sa mga kanhi oposisyon nga nangluod sa ilang kaubanan ug napugos pag-amen nako.  Apan bisan sa tanang kakulian, nakapadaog tag pipila.  Mabuhi ZTE!


5.     May mga pasangil nga lisod tubagon.  Labi na kon ang namasangil kabahin sa administrasyon.  Apan di mga anghel ang mga nanaway nako.  May mga baho sab sila.  Nga kon mabisto, makabuong sa kakatuohan bisan unsa kamatinud-anon ang mga pasangil nga giluwatan.  Salamat sa ikaduhang pamilya ni Jun Lozada!


6.     Nibali na si Joe de Venecia.  Kahadlokan tinuod ang iyang pagkontrolar sa mga kongresista.  Apan sa wa pang katuyhakaw, siyay unang nahagsa sa kudeta sa Kongreso.  Mabuhi ang Katas ng VAT!


7.     Bisan unsa na lay eskandalo nga gisablig sa akong pamunoan.  Apan may niulbong mga eskandalo nga nakamatuod nga di nako monopoliya ang pakauwaw.  Salamat, Sulpicio!


8.     Nasayop ko sa pagpasalig nga may pagkaon sa matag lamesa.  Nasayop ko sa pagsaad nga maka-eskuyla ang tanang bata.  Nasayop ko sa pagsangyaw nga mahimo na tang first world country.  Apan salamat sa mga ahensiya nga nakakumbinser sa katawhan nga di ako maoy labing bakakon.  Mabuhi, Pagasa!


9.     P32 na lang ang bugas.  Nahunong nang kotong.  50 sentabos na lang ang text.  Ni-us-os og P1.50 ang diesel.  Bantay lang, Shell!  Panguros nang daan, Smart!


10.           Ang survey sa Pulse Asia sa 2007 nihulagway nako nga labing kurakot.  Ang SWS nipahibawo nga -38 na lang ang akong net satisfaction rating.  Ang Pulse Asia nisibya nga kinabag-an nagtuo nga bakak ang tanan nakong SONA.  Apan di tanang surveys kasaligan.  Salamat, AGB Nielsen!


11.   Napilde nakong tanang samuk-samok nga impeachment complaints, hungaw nga mga kudeta ug huyang nga mga protesta sa kadalanan.  Kinsay nag-ingon nga kutob ra ko sa 2010?  Pekat, Noli, Loren, Mar, Manny ug Ping!   

_________________________
leo_lastimosa@ abs-cbn.com
Arangkada
The Freeman
30 June 2008
_________________________

 mao ni akong giingon nimo Belle nga ang mga mingdaot ni pgma kadto jong iyang gipang utingkay nga mga dagkong taw sa goberno nga walay presidente nga nakahilabot kun di sya ra.