Author Topic: Mga patay i-DNA test sa Interpol  (Read 1736 times)

Brownman

  • EXPERT
  • ***
  • Posts: 3065
  • God is Great
    • View Profile
Mga patay i-DNA test sa Interpol
« on: July 02, 2008, 09:51:38 PM »
Wednesday, July 2, 2008

Daghang mga kabanay sa mga biktima sa MV Princess of the Stars ang mipabor karon sa paghimo og deoxyribonucleic acid (DNA) test sa mga marekober nga patay aron itandi sa ilang mga DNA tungod sa pagtuong mas sigurado silang ang patay nga ilang madala ilaha gyud.

Kagahapon, ang secretary general sa International Police nga si Ronald Noble inubanan ni Police Regional Office-7 director Chief Supt. Ronald Roderos miesplikar sa mga tawo diha sa action center sa Sulpicio sa Cebu City Sports Center kabahin sa DNA testing.

Ang DNA test nga himuon libre ug walay bayad sanglit abagahon kini sa Interpol gikan sa pagkuha hangtud sa pagproseso ngadto sa Uropa ug sa pagpabalik sa mga resulta niini dinhi sa nasud.

Giangkon hinuon ni Noble nga dugay ug taas kaayo ang proseso sa DNA testing apan gihulagway niyang mao ra kini ang husto, credible ug may dignidad nga pamaagi aron pag-ila sa nadugta nang patay imbes nga ukay-ukayon ug tan-aw tan-awon ra.

Giprangkahan usab ni Noble ang mga kabanay nga lisod na gyud kaayong ilhon ang mga patay sa kahimtang nila karon ilabi na niadtong mga nahumol og dugay sa dagat sanglit nidoble ang gidak-on sa tanang parte sa lawas ilabi na ang tiyan ug nawong.

“I feel sorry and it breaks my heart to tell you…But I want to be honest because they have already stayed too long in the water and it is impossible already to identify by just looking at them. But with the DNA test we’ll be able to do that,” pasabot pang Noble.

Ang DNA test nagkinahanglan og reference specimen gikan sa mga buhing kadugo sa mga biktima sama sa ilang amahan, inahan, igsuon ug mga anak.

Ang makuhang mga DNA specimen sa mga buhing kabanay ug ang sa patay ikumparar pinaagi sa cross matching sa computer nga didto ra himuon sa Uropa.

Ang DNA usa ka matang sa kemikal sa lawas sa tawo nga sa ilang kadugo ra makita nga gikan sa ilang mga ginikanan ug wala sa uban maong dili mahitabong masipyat ang pagtandi niini.

Ang pag-ila sa usa ka minatay ipaagi sa pagkuha sa tulo ka primary identification parameters sama sa fingerprint, dental ug DNA. Ang naulahi maoy labing epektibo ug katuohan sanglit bisan bukog nalang ang mahibilin mahimo pang makakuha og specimen alang sa DNA testing.

Ang grupo sa Interpol nga mohimo niini mao ang International Commission for Missing Person nga eksperto sa Disaster Victims Identification. Ang maong grupo niadtong 2005 maoy ni-identify ug maoy nahimong dalan nga nauli ang 3,700 ka mga biktima sa Tsunami sa Phuket,Thailand niadtong 2005 sa ilang mga tagtungod.

Susama sa ilang gihimo sa maong nasud si Noble mipasalig nga dili nila biyaan ang mga kabanay hangtud nga di nila makuha ang ilang missing nga kabanay pinaagi sa ilang DNA test.

“We’ll gonna be there for you until your love ones is identified,” pasalig pang Noble.

Ang gastos sa matag DNA test mokabat sa 500 ngadto sa 1,000 dolyares apan abagahon na kini sa Interpol.

Nunot sa maong pahibalo nalipay ang mga kabanay sa mga na-missing ug duna nay uban nga midesider nga di nalang moapil sa “public viewing” diha sa Cosmopolitan Funeral Homes.

“Di nalang ko motan-aw kay mao man gihapon lisod naman ilhon kay dugta naman kaayo, maghuwat nalang ko sa DNA result,” sumala pang Placida Rellin,56, kansang bana nga si Nestor usa sa na-missing.

Matud pa niya dihang ilang gitan-aw sa gihimong public viewing naluoy lang silang nagtan-aw sa mga patay ug base sa nakita nagtuo kining lisod na gyung ilhon.

Samtang duna say mipabor sa DNA testing apan gusto gihapong motan-aw sa patay sa pamasin nga mailhan niya ang iyang bana pinaagi sa mga ulat.

“Motan-aw lang gihapon ko pamasin lang ba,” sumala pang Vivian Oblina,30, kansang kapuyo usa ka messman sa maong barko nga si Cris Salis, 33, nga karon usa sa mga na-missing.

Mokuha usab ang Interpol og lima ka refrigerated van gikan sa Sulpicio Lines apan kung di makahatag ang kumpanya niini sila maoy mokuha niini gikan sa Thailand, diin diha himuon ang pagkuha sa mga DNA samples.



Linkback: https://tubagbohol.mikeligalig.com/index.php?topic=13668.0
Consider pleasures as they depart, Not as they come.

unionbank online loan application low interest, credit card, easy and fast approval

kiamoy

  • EXECUTIVE
  • GURU
  • *****
  • Posts: 8854
  • kiss me thru the phone..
    • View Profile
Re: Mga patay i-DNA test sa Interpol
« Reply #1 on: July 03, 2008, 03:11:07 AM »
“We’ll gonna be there for you until your love ones is identified,” pasalig pang Noble. <--misprint ra tale ni no?

thanks to Interpol for their help tho

Linkback: https://tubagbohol.mikeligalig.com/index.php?topic=13668.0
Na-try mo na ba yung Tala app? Reliable sa unexpected expenses at laking tulong sa future! Use this code 9SO1TSL or visit www.tala.com to sign up!

if you can't quit, then please help warn the kids..
support Picture-Based Health Warning Bill  => https://www.ash.org.ph/

grazie7y

  • EXECUTIVE
  • GURU
  • *****
  • Posts: 19772
  • Aya san, rest in peace. I will always miss you...
    • View Profile
Re: Mga patay i-DNA test sa Interpol
« Reply #2 on: July 03, 2008, 03:35:50 AM »
“We’ll gonna be there for you until your love ones is identified,” pasalig pang Noble. <--misprint ra tale ni no?

thanks to Interpol for their help tho

korek, bem!  ning labay sa mata sa proof reader.

Linkback: https://tubagbohol.mikeligalig.com/index.php?topic=13668.0
Book your tickets and anywhere by planes, trains, boats, or bus at www.12go.co

unionbank online loan application low interest, credit card, easy and fast approval

Tags: