BATAN-ONG lalake nga nagkaon sud sa ilang balay namatay human naigo sa kilat sa barangay Lawaan, bukirang bahin sa lungsod sa Alcantara, Sugbo.
Ang mga silingan sa biktima nga si Joemar Toquero, 15, nagkanayon nga niliki ang agtang niini sa dihang maayong pagkaigo sa kilat niadtong Martes sa alas 4:00 sa hapon.
Patay na si Toquero sa dihang niabot ang kapulisan aron sa pagsusi sa taho nga adunay naigo sa kilat atol sa bunok sa uwan.
Base sa initial nga imbestigasyon sa Alcantara police station sigun sa asoy sa mga ginikanan sa biktima nga samtang nag-andam sa pagkaon si Toquero, adunay kusog nga kilat o mas nailhan sa probinsiya nga liti-lipak.
Ang kilat unang niigo sa punoan sa lubi diin adunay kutay sa mga kuryente paingon sa balay sa pamilyang Toquero.
Gituohan nga nakuryentihan ang biktima.
Apan ang mga silingan nagkanayon nga nilagom ang ulo sa biktima ug ilang nakita nga adunay liki ang agtang.
Ang mga ginikanan sa biktima nagdumili nga ipa-ubos pa sa autopsy ang lawas niini sanglit kumbinsido sila nga naigo sa kilat ang ilang anak. (FVQ)
(Mayo 9, 2008 isyu)
Linkback:
https://tubagbohol.mikeligalig.com/index.php?topic=12475.0