Wala sa kabalaka o sa pinakataas nga ganti sa tibuok kalibotan alang sa inbentor kondili makugihon sa pagdiskubre ug usa ka galamiton ngadto sa katawhan.
Ang katorse anyos ug usa ka sophomore nga tinun-an sa Faraon National High School (FNHS) niining lungsod nga si Joernie Olivar nagbutyag sa usa ka sugilanon bahin sa produkto pinaagi sa talagsaong talento sa dihang midaug siya sa Region VII sa pakigsangka sa Science Investigatory Project, tagsa-tagsa nga kategoriya alang sa sekondarya nga pribado ug publiko gihimo niadtong Nobyembre 28-29 didto sa Cebu City.
Ang mapangutan-on nga anak nila ni Ernesto ug Luz Olivar sa barangay Looc, si Joernie nag-inbento ug water coloring substance pinaagi sa iyang mga pinatubo diha sa ilang balay nga mga materyales uban sa iyang nakat-onan sa iyang magtutudlo nga si Ms. Candelaria Custodio nga maoy nakadaog kaniya sa school leverl search hangtud nga miabot ngadto sa Regional contest.
Dala sa iyang pagpauli ang dakong ganti ug pasidungog alang sa lungsod sa Jagna, si Joernie gi-iskortan sa iyang magtutudlo nga mihimo ug usa ka pinasahi nga pagyukbo ngadto sa mga halangdong sakop sa 6th Sangguniang Bayan sa Jagna sa ilang regular session niadtong Lunes.
Sa wala pa ang mga kagawad, ang batan-ong inbentor sa hamubo iyang gi-presentar ang pamaagi sa iyang produkto nga diin nakadaug kini sa maong indigay uban usab sa iyang mga dokumento ug ebidensiya sa iyang kadaugan nga iyang gipahaluna sa usa ka “three-fold wooden board.â€
Sa ngalan sa FNHS Family, si Ms. Custodio nagpasalamat sa lig-ong suporta sa Local Government Unit (LGU) nga gipangulohan ni Mayor Exuperio Lloren sa dihang padayon siya uban sa pagpangayo ug dugang suporta financial ug moral nga hinabang alang sa umaabot nga National Level Competition nga pagahimoon didto sa Baguio City karong February 2008. Gregorio A. Tavera-MPIO
Linkback:
https://tubagbohol.mikeligalig.com/index.php?topic=8169.0
Topic: Labing batan-ong inbentor, Jagna-anon (Read 5086 times)