Profound Ilonggo Poem: Taliambong sa gihapon

[Lorenzo]

by: Leandro de la Torre, Jr




Yuhom sang adlaw, harikhik sang karabaw,
Kape nitib tirada, ibos pagaubahan nah,
Ari gid dakpan gid siya,
Ga ku-om brutsa, ga miskla pinta.

Sa babaw sang kamalig, sa tunga kalubihan,
Iya gin plastaran, gin tu-on ang atubangan,
Nag sapnot ang agi, sang iya gin kuritan,
Ipadulot lang papang, sigurado ini may padulungan.

Nagdulhog sa banwa, bitbit ang resulta,
Balon ang pagla-um kag uga nga ga baho na sa bulsa,
Nangalihid sa kampo, sa merkada naka kita puwesto,
Gin plastar ang ubra maestra, Nah Ara! kay nilibo - libo ang naki osiyoso.

Bagol daw malitik sa kainiton nga ga paltik paltik,
Balhas nag saka sang nabatyagan ang makatilingil nga hutik,
"Buligan taka pas-an sang handom mo mi amigo,
Kabit kag magpadulong sa taliambong ni Nunelucio.

[Lorenzo]

Super Like  gid ini sa akon.