PAMILACAN

[bisayantek]

PAMILACAN

Gipanghambog mong dili na pula
Ang bulok sa imong bunbon.
Gipanghambog mong dili na pula
Ang bulok sa imong tubig-dagat.
Kay nahutdan nag pangbulok ang imong mga anak.

Apan nganong ania ang tak-om
Nga mga baba sa putol nga mga ulo
Sa balilan, sanga, lumod ug iho â€"
Mga misteryosong linalang nga nanggilinya
Ingong mga sundalo nga nagbantay
Sa ngabil sa imong baybayon?

Ug nganong nagpalayo
Ang mga lumod sa Lores?
Nahadlok ba silang gukdon
Sa kidlap-kidlap sa dala kong kamera?

Hagbay rang gibuslotan sa Amihan ug Habagat,
Sa parat, sa abog, sa ulan, sa pagpaabot
Sa mga pirata ang paril nga bato sa dagat.
Sa tore sa bantayan halos di ko na makita
Ang ihawan nga atop ang langit. Gisalipdan kini
Sa mga palwag lukay sa limbahong lubi.

[pioneer]

it's a beautiful poetry. i love pamilacan so much.