MikeLigalig.com

MITUGPA sa Southern Philippines Medical Center (SPMC) ang usa ka 29-anyos nga mag-uuma kinsa giabisan og liog sa iyahang mga bisita atol sa iyang birthday.

Ang insidente nahitabo alas 7:35 sa gabii, Huwebes, didto sa Barangay Datu Salumay, Marilog District, dakbayan sa Davao.

Subay sa logbook sa Trauma Complex sa SPMC, ang biktima nailhang si Jiger Lazo, 29, mag-uuma ug nagpuyo sa nasampit nga dapit. Nasayran nga nagselebrar ang biktima sa iyang adlaw'ng natawhan uban sa iyang mga higala.

Giingong pipila lamang ka gutlo, miabot ang lima ka mga ulitawo ug natigayon ang panaglalis sa wa pa masayri nga hinungdan nga misangko sa pag-abis sa liog sa biktima.

Migula sa inisyal nga imbestigasyon sa Marilog Police Station nga gituohang dumot sa daan nga bikil tali sa pipila sa mga lalaki ug sa biktima and rason. Ang biktima padayong giatiman sa mga doktor sulod sa SPMC. (Jeepy P. Compio)


Gipatik sa mantalaang Superbalita Davao Disyembre 10, 2016.

moral lesson: pagtigom na lang, ayaw na lang ug gasto ug selebrasyon kay di nato hibaw-an kinsay modumog nga bisita.

Hmm, wa galing modalit og ilimnong makahubog...