MikeLigalig.com

Ni JEEPY P. COMPIO


GIBALHOG sa selda sa Talomo Police Station ang usa ka 60-anyos nga lolo human gipadakop sa 24-anyos nga dalaga kay giayo'g kumot ang iyang tutoy sud sa Manila Memorial Park, Barangay Magtuod, Talomo District, dakbayan sa Davao.

Alas 4:20 sa hapon, Miyerkules, Nobyembre 1, gisikop si Pepeng (bansagon gitago sa SuperBalita) taga Manambulan, Tugbok District, kay gireklamo ni Maricar (bansagon gitago), 24, taga Bonifacio Street, Barangay 33-D Poblacion.

Subay sa blotter nga natala sa kapolisan, alas 3:30 sa hapon sud sa maong sementeryo gidikit ug gibag-id sa suspek ang iyang lawas sa dalaga nga nagreklamo.

Pagdikitog piit sa iyang lawas sa atubangan nga bahin sa dalaga, dali niyang gihimas ug gikumot-kumot ang tutoy sa babaye.

Daling nagpakitabang ang babaye sa iyang inahan ug higala maong nanawag sila og pulis nga nagpatrolya sa sementeryo.

Depensa sa suspek nga wa siya masayod sa iyang nahimo sanglit hubog siya niadtong taknaa.

Dihang anaa na sa selda ang suspek, nagdanguyngoy kini gumikan nabalaka siya sa iyang mga binuhi nga kabaw ug baka kay wala nay motugway niini.

Sukad sa pagsuwat ning balita, nakabalhog gihapon sa selda sa Talomo ang suspek ug pursigido gayud nga mopasaka og kasong acts of lasciviousness ang dalaga sa korte.


Gipatik sa mantalaang Superbalita Davao Nobyembre 04, 2016.

liwat ni balong ang lolo. tiguwang na manyakis gihapon