MikeLigalig.com

Ni KRIS C. SIALANA


NILAGAPAK ngadto sa dagway sa kabit ang marriage contract human gisagpa sa asawa atol sa komprontasyon nga nahitabo niadtong Huwebes, Setyembre 8, alas 3:30 sa hapon sa Lapasan, dakbayan sa Cagayan de Oro.

Nagpatala ang duha sa Police Station 3 sa Agora si Rose (dili tinuod nga ngalan), legal nga asawa, 40, taga Agora ning siyudad, samtang ang gitumbok nga kabit nailang si Marie (dili tinuod nga ngalan), 30, dalaga ug lumulupyo sa Cogon ning siyudad.

Sa impormasiyon gikan sa kapulisan, nasayran nga nagpatala si Rose human sa grabe nga kapungot sa dihang gi-adto ang maong babaye sa iyang opisina aron nga makig-estorya ug komprontahon kalabot na sa binuhatan niini ug sa bana apan gipakaulawan kini sa dihang giingnan nga peke nga pagka-asawa hinungdan nga gipakitaan kini og marriage contract.

Samtang nagpatala usab si Marie sa kapolisan ug giingong gisulong ug gikompronta kini kalabot na sa maong personal nga isyu dayong hapak sa iyang dagway sa marriage contract.

Sa pagkakaron, nakatala na sa buhatan sa kapolisan ang maong insidente ug giingong aduna na’y gipirmahan ang duruha.


Gipatik sa mantalaang Superbalita Cagayan de Oro Septembre 10, 2016.

...samtang halayo kanilang duha
ang giilogang bana nagkatawa.

ngkatawa ba uroy. if i know, naluspad si iyo. mahadlok nga mabisto sa duha ka baye ang tinuod niyang hinigugma...nga lalaki.