MikeLigalig.com

Ni ORLANDO B. DINOY


MALITA, Davao Occidental -- Usa ka 17-anyos ang gilugos sa duha ka mga suspek atubangan sa binuhing baka didto sa Barangay Bito sa maong lungod.

Ang biktima gitago sa pangalan nga Nene, kinsa gitabangan og lugos sa mga suspek nga sila Pedro, 47, ulitawo, ug Arman, 47.

Si Pedro nasikop niadtong Agosto 17, samtang ang Arman nasikop niadtong Sabado.

Gibutyag ni Police Superintendent Cesario Dukiling, hepe sa Malita Police Station, nga gisikop ang mga suspek pinaagi sa warrant of arrest gikan ni Regional Trial Court Presiding Judge Carfelita Cadiente-Flores niadtong Hulyo 27.

Ang duha maoy gitudlong naglugos sa biktima niadtong buwan sa Hulyo.

Sulti ni Dukiling nga silingan sa mga suspek ang biktima nga ilang giatangan samtang nanugway sa binuhing baka.

Human nakakita og higayon ang mga suspek, giguyod nila ang menor sa kasagbutan nga bahin sa lugar diin gipuli-pulihan og lugos atubangan sa baka.

Positibong giila sa biktima ang mga suspek, hinungdan nga gidemanda sila sa korte.

Walay girekomendang piyansa ang korte, hinungdan nga di sila makagawas sa prisohan.


Gipatik sa mantalaang Superbalita Davao Agosto 22, 2016.

piskot baya ning balitaa uy. giangin pa ang baka. kalooy sa 17 anyos nga dalagita. kinsa natoy malooy sa baka nga giangin-angin?

piskot nga labaw ang mga rapists. hinaot untang mabawsan sila ug ma-rape pa unta sila ug baka atubangan sa dalagita.