MikeLigalig.com

Ni KRIS C. SIALANA


MILANDIG sa Northern Mindanao Medical Center (NMMC), dakbayan sa Cagayan de Oro, ang usa ka ulitawo human naligsan sa usa ka hubog nga babaye niadtong Martes mga alas 3:00 sa hapon sa Libona, Bukidnon.

Nagpaalim sa NMMC ang biktima nga si Alfredo Bonggo, 24, ulitawo ug lumulupyo sa Kinawe, Bukidnon.

Sa nahipos nga impormasiyon gikan sa NMMC, nasayran nga sa saysay sa igsoon nga si Marilyn nga samtang nag-estambay sa dapit si Bonggo kalit lamang kining napunggitan sa naghaguros nga motorsiklo.

Gikabutyag nga ang wala mailang babaye kinsa lango sah ilimnong makahubog ang nagmaneho sa motorsiklo nga nakapunggit ni Bonggo.

Human sa insidente, misibat dayon ang babaye ug gibiyaan nga nagbuy-od lamang si Bonggo sa kalsada hinungdan nga dali kining gidala sa mga nagpakabanang katawhan sa tambalanan.

Sa pagsulat niini nga balita, pabilin pa nga nagpaalim sa NMMC ang biktima samtang pabiling gawasnon ang responsable sa panghitabo.


Gipatik sa mantalaang Superbalita Cagayan de Oro Hunyo 02, 2016.