MikeLigalig.com

PATAY ang usa ka babaye human nibangga ang iyang gisakyang motorsiklo sa poste sa national highway, Barangay Poblacion, lungsod sa Pi­namungajan, Sugbo, alas 3:25 kagahapon sa kaadlawon.

Ang biktima giila nga si Diana Atol, 26, dalaga, taga Sitio Bonbon, Ba­rangay Poblacion, Pi­na­­mungajan, patay ng nia­abot sa tambalan.

Si Carla Bubuli, 25, da­laga, taga Sitio Looc, Barangay Bato, dakba­yan sa Toledo, kinsa ma­oy nagmaneho sa Suzuki duna’y temporary plate no. TBE 1480, luwas na ang kahimtang.

Ang duha parehog na­kainom ug nagpadulong mopauli gikan sa disko sa Barangay Cabiangon, sumala nila ni PO2 Froilan Velasquez ug PO1 Kay Pulmano nga ning­res­ponde sa alarma.

Giingong wala nabantayan ni Bubuli ang likuong dapit sa dalan busa nadusmog ngadto sa pos­te sa kuryente.

Tungod sa kakusog sa impact, nahagbong ang mga biktima gikan sa motorsiklo ug nakit-ang way panimuot ug naka­angkon og grabeng ka­daot sa ilang ulo.

Gidala ang duha sa Pi­­namungajan District Hos­pital apan, dead-on-ar­rival si Atol. Kristine Cabal­les, USJ-R intern


Gipatik sa mantalaang Superbalita Cebu Disyembre 15, 2015.