MikeLigalig.com

Ni HERTY B. LOPEZ


MAG-UUMA nga nag-ihaw og baboy para rasyon sa kalag-kalag ang girakrakan patay sa wala mailhing mamumuno kagahapon sa buntag.

Nakaangkon og ubay-ubay nga samad pinusilan si Melencio Borres, 37, dihang gipusil patay sa duha ka mga lalake, duol sa panimalay niini sa Sitio Cantipla Uno, Brgy. Tabunan dakbayan sa Sugbo.

Si Borres, minyo ug residente sa lugar, nag-ihaw og baboy alas 10:00 sa buntag dihang kalit nga aduna’y riding-in-tandem nga niduol sa dapit diin nag-ihaw ang biktima.

Base sa imbestigasyon sa Homicide Section sa Cebu City Police Office (CCPO) pinaagi ni SPO2 Wetzel Berry nga ang nag-angkas mao ang nipusil kang Borres dihang nagsakay pa kini sa motorsiklo.

Dugang niya nga gidul-itan si Borres sa mamumuno ug wala pa kini matagbaw, gipusil kaupat.

Ang asawa sa biktima nga si Rovilyn, 36, nagkanayon nga wala’y kontra ang iyang bana ug wala usab kini’y nahuna-hunaan nga rason sa pagpamusil patay sa iyang bana. Atol sa pagresponde sa grupo ni Berry sa dapit, wala na nila masuta ang gidaghanon sa basiyo sa armas nga gigamit sa pagpamusil kang Borres tungod kay gipamunit na kini sa mga silingan sa biktima.

Nakaangkon og samad pinusilan si Borres sa iyang dughan ug dead-on-the-spot kini nga naabtan sa kapulisan.


Gipatik sa mantalaang SuperBalita Cebu Nobiembre 02, 2015.

Quote from: hubag bohol on November 02, 2015, 03:26:20 PM
Atol sa pagresponde sa grupo ni Berry sa dapit, wala na nila masuta ang gidaghanon sa basiyo sa armas nga gigamit sa pagpamusil kang Borres tungod kay gipamunit na kini sa mga silingan sa biktima.

Mao na ni ron...