MikeLigalig.com

Ni KRIS C. SIALANA


UPAT ka adlaw nga nagpalutaw-lutaw sa suba ang usa ka lalaki human kini naanod niadtong Lunes, Setyembre 14, ug naluwas niadto lamang Sabado sa gabii sa Barangay Dayawan, Villanueva, Misamis Oriental.

Nikaon na lang sa iyang T-shirt si Ruel Dunglas, 41, aron matambalan ang kagutom.

Human na-rescue, gidala sa balay tambalanan ning dakbayan ang biktima.

Sa nahipos nga report sa Sun.Star SuperBalita gikan sa Northern Mindanao Medical Center, gibutyag sa biktima nga niadtong Sityembre 14 alas 7:00 sa gabii, adunay duha ka wala maila nga mga tawo ang migukod kaniya.

Giingong nidagan siya hangtod nga naabot sa suba nga bahin sa ilang dapit ug nahadlok nga maapsan hinungdan nga miambak nalang kini.

Giingong napakog ang iyang ulo sa pag-ambak hinungdan nga nakuyapan kini ug nakurat na lang nga sa dihang nakamatngon nasangit na sa anod nga kawayan.

Hinay-hinay na lamang siya nga milangoy paingon sa daplin kay hubas naman niadtong higayona ang suba hinungdan nga nagpakitabang kini sa residente sa dapit.

Nakaangkon og bun-og ug mga samad sa nagkadaiyang parte sa kalawasan ang biktima sulod sa pipila ka adlaw nga gianod sa suba ug maayo na lang tungod kay naluwas pa kini.


Gipatik sa mantalaang SuperBalita Cagayan de Oro Septembre 22, 2015.

Quote from: hubag bohol on September 23, 2015, 01:09:33 PM
Nikaon na lang sa iyang T-shirt si Ruel Dunglas, 41, aron matambalan ang kagutom.

Tsk, tsk, tsk, kon wa pa maluwas dayon, karsones na pud unta tingali ang next meal. Lig-on jud unta hinuon og busog, labi na kon 32-ounce selvedge denim ang tela nga gigamit.

hunit gyod tingali ang t-shirt pagpang-it niya.  hinaot morag lami ug kusahos.  i wish him well.

Hmm, ingon ani galing iyang gisul-ob...