MikeLigalig.com

(Banat) | Updated September 12, 2015 - 12:00am


CEBU, Philippines - Nadakpan sa akto sa kapolisan ang pundok sa mga lalaki nga nagsuyop og shabu sa 1st Batch, Pulpogan, Consolacion alas 11 pasado sa buntag sa niagi’ng adlaw hinungdan sa paglumba sa  pagpanagan apan unom gyud ang nadakpan.

Si Police Officer 3 Retchie Gapo sa Consolacion Police Station niila sa mga nadakpan nga sila si Gian Matotinao Pitogo, 31, taga Yati, Liloan; Joecel Tero Mantos, 24, taga Gansaga, Consolacion; Jash Saben Rasonable, 24, taga Pulpogan; Jay-R Rosalita Auman, 23; Jolen Sultan Buenaflor, 35, taga Pulpogan ug Fritz Ortega Arseno, 40,  taga Nangka, Sulingod.

Matud ni Gapo nga nakadawat sila og taho labot sa grupo sa mga lalaki nga nagtapok sa mao’ng dapit nga nagsuyop og shabu.

Nakuha gikan sa mga dinakpan ang duha ka gagmay nga pakete nga shabu ug drug paraphernalia. (Romeo T. Limpangog/GMR)(BANAT NEWS)