MikeLigalig.com

Ni Jojo C. Ugdol (Banat) | Updated August 26, 2015 - 12:00am


CEBU, Philippines â€" Patay ang usa ka 60- anyos nga lolo human kini gibuk-an sa ulo sa iyang silingan samtang nakig-inom sa iyang mga pag-umangkon ug igsuon diha sa Sitio Pagbulangan, Brgy. Manduyong sa lungsod sa Badian sa nakalabay nga gabii.

Giila ang biktima nga si Pedro Aliñabon, nagpuyo sa maong dapit, samtang ang suspetsado mao si Jenson Agravio, 26, residente sa maong lugar.

Gibutyag ni Senior Police Officer 4 Jeremias Elardo ang desk officer sa Badian Police nga nahinabi sa Banat News hangtod karon blangko pa sila kung unsay motibo sa suspetsado pagpatay sa biktima.

Sumala pa nga kalit lang naabot si Agravio ug gipusil sa likod sa ulo si Aliñabon ug dayon kining misibat. Wa na matabang si Aliñabon.

Si Elardo nagduda nga dunay dakong kalagot si Agravio sa biktima kay mao ra man kini ang iyang gipusil. Kasong murder ang ipasaka sa kapulisan batok ni Agravio nga padayon pa nga gipangita sa kapulisan. â€" /EIM) (BANAT NEWS)