MikeLigalig.com

Ni Jojo C. Ugdol (Banat) | Updated June 30, 2015 - 12:00am


CEBU, Philippines â€" Tulo ka bala ang milubong sa ulo sa usa ka lalaki nga gikatahong kanhi piniriso human kini gipusil sa wala mailhing mamumuno apan nagpaila nga kanhi niya kauban sa prisohan kaniadto.

Ang pagpamusil nahitabo sa eskina sa dalan Sancianko ug Panganiban, sa Brgy. Pahina-Central ning dakbayan sa Sugbo kagahapon sa kadlawon.

Ang biktima giila nga si Alfredo Nuñez, 39, nagpuyo sa Tabo-an public market. Sumala pa ni Police Officer 1 Reoful Adalim sa Homicide Section sa Cebu City Police Office nga nahinabi sa Banat News,  usa ka barkada sa biktima ang gipamalihogan sa usa ka lalaking nagpailang kauban niya kaniadto sa prisohan nga buot makig-estorya.

Apan pag-adto sa biktima sa lugar diin nagpaabot ang iyang kanhi ‘kauban’ kalit lang kining gipusil niini sa ulo.

Nagduda si Adalim nga posibleng  nakabikil sa mamumuno ang biktima ug gustong makabawos.

Duha ka igo sa atubangan sa ulo ug usa sa likod sa ulo ang naangkong samad pinusilan sa biktima nga nakaingon sa iyang kamatayon.

Matud ni Adalim base sa ilang nakuhang impormasyon pirmeng pasanginlang nangawat ang biktima, gisusi pa usab kun asa nga prisohan kini nabilanggo kaniadto.  Sa crime scene nakuha ang duha ka basiyo sa kalibre .45 nga bala. â€" /EIM) (BANAT NEWS)