MikeLigalig.com

Ni JOHN PAUL V. PEPITO


AMAHAN namatay hu­­man gidunggab ma­ka­daghan sa iyang anak nga lalake nga iyang gika­sab-an kay wa hugasi ang platong gikan-an sa ilang balay sa Purok 3, Brgy. Bangbang, Cordova niadtong Miyerkules sa gabii.

Ang biktima giila nga si Everisto Cardente, 54, lumolupyo sa maong dapit.

Matod ni SPO2 Laurencio Wagwag sa Cordova Police Station nga kini nahitabo human maabot ang amahan gikan sa trabaho mga alas 8 sa gabii.

Gibutyag ni Wagwag nga sa wa pa dunggaba ni Kenneth, 22, tyraysikad driver, si Everisto, sila nagkalalis mahitungod sa platong nga gikan-an sa suspek nga wa hugasi.

Tungod sa kainit sa i­­­lang pananglalis, nasu­ko pag-ayo si Kenneth hinung­dan nga nikuha og kutsilyo sa kusina da­yon nidunggab sa buko-buko sa iyang amahan sa makadaghan.


Gipatik sa mantalaang SuperBalita Cebu Hunyo 12, 2015.

grabeha naman ning mga tawo karon sa pilipinas. paghugas lang sa plato, mopatay naman ug amahan.

diha pud toy balita 2 weeks ago nga asawa gidunggab sa bana ug namatay kay gibasol sa bana nga wala tay-i ang numero sa swertres. unya kay nigawas man ang numero. nakaingon ang bana nga gitay-an. wala man diay. mao to nga gidunggab patay iyang asawa. diha pa ang mga anak nakasaksi.

Quote from: TUBAGBOHOL.com on June 11, 2015, 09:18:02 PM
grabeha naman ning mga tawo karon sa pilipinas. paghugas lang sa plato, mopatay naman ug amahan.

Di ba kaha pud way iniglihok, kasaba nga binaktin...