MikeLigalig.com

Ni Bryner L. Diaz ug Decemay Diaz, EIM (Banat) | Updated August 3, 2014 - 12:00am


CEBU, Philippines - Patay ang usa ka mamasurahay human kini nakigdinunggabay sa usa ka manghabwaay og hugaw sa kasilyas sa miaging buntag diha sa New Imus Road sa Barangay Lorega-San Miguel ning dakbayan sa Sugbo.

Ang biktima naila nga si Victoriano Miano Jr., 50, nga molupyo sa barangay Gabi sa lungsod sa Cordova. Samtang ang suspetsado naila nga si Artemio Prak, 60, molupyo sa maong barangay.

Base sa imbestigasyon sa Homicide Section sa Cebu City Police Office nga ang biktima ug ang suspetsado nag-inom og tuba sa maong tindahan. Giingong di sila managkaila apan kanunay nga mag-abot sa maong dapit aron mag-inom og tuba.

Sumala pa ni PO3 Leroy Baguio nag-abot ang duha nga pulos na hubog ug giingong gisungog ni Miano si Prak hinungdan nga nadunggaban kini sa likod, apan nailog ni Prak ang kutsilyo ni Miano ug mibawos kini pagdunggab sa dughan niini.

Natumba ang biktima sa kilid sa karsada hinungdan nga gitabang kini sa mga nakasaksi sa maong krimen. Ang suspetsado mikaratil og dagan apan naapsan sa mga tanod.

Ang biktima gidala sa usa ka concerned citizen sakay sa usa ka green nga sports utility vehicle (SUV) ngadto sa tambalanan apan giingong patay na kini pag-abot sa Cebu City Medical Center. (BANAT NEWS)

Kaluoy. Natibway ang mga pangindahay sa mamasurahay...

pure self-defense. kung maayo ang abogado, dili mapriso ang suspetsado.

Bisan tuba lang ,makaguba. Ang tungog makabungog.

Quote from: Mike Ortega Ligalig on August 03, 2014, 09:43:52 PM
pure self-defense. kung maayo ang abogado, dili mapriso ang suspetsado.

Ang manghabwaay og hugaw sa kasilyas
Hayan nga sa bilanggoan makaikyas.

Quote from: fdaray on August 03, 2014, 09:49:42 PM
Bisan tuba lang ,makaguba. Ang tungog makabungog.

Tungod sa tuba, tua na, giluba...

ang dugo nga mibaswak sa nadunggaban, mura ba kahag tuba? 

moral lesson: di gyod angay mosukol sa tighabwa ug kasilyas.  duol ra kaayo siya sa weapon of mass destruction nga kuyaw pa gyod sa radiation.

tabla pa unta sila kun ang giinom dili tuba.  wa pa tingaliy daotang nahitabo kun ang gihabwa na lang sa kasilyas ang ilang gimantiniran.   

Ngyaks! Bitaw no? Naay higopon, naa pa juy sumsoman...